தவறவிடாதீர்கள்..!உடனே பதிவு செய்யுங்கள்

கொழும்பு தமிழ்ச் சங்கத்தில் எதிர் வரும் 29ஆம் திகதி சனிக்கிழமை திருவள்ளுவர் சிலை திறந்து வைக்கப்படவுள்ளது.

76 ஆண்டுகால பாரம்பரியம் மிக்க கொழும்புத் தமிழ்ச் சங்கத்தில் தமிழ்த்தாய் அறக்கட்டளை சார்பில் 1000 கிலோ எடையில் மூன்றரை அடி உயரத்தில் கன்னியாகுமரி மாவட்டத்திலுள்ள நல்லதாணு சிற்பக் கூடத்தில் வடிவமைக்கப்பட்ட திருவள்ளுவர் சிலையே எதிர்வரும் சனிக்கிழமை திறந்து வைக்கப்படவுள்ளது.

இத் திருவள்ளுவர் சிலை திறப்பு விழா காலை 10 மணி முதல் மாலை 6 மணி வரை நடைபெறவுள்ளது.

இவ் விழாவில் திருக்குறள் பன்னாட்டு ஆய்வுக் கருத்தரங்கமும் நடைபெறவுள்ளமை குறிப்பிடத்தக்கது.

சிறப்பு விருந்தினராக தினமணி ஆசிரியர் கி.வைத்தியநாதன் இரா.குறிஞ்சி வேந்தன் வழக்கறிஞர் கே.எஸ் ராதாகிருஷ்ணன் கவிஞர் இளைய பாரதி கொழும்புத் தமிழ்ச் சங்க நிர்வாகிகள் மற்றும் பலர் இவ் விழாவில் கலந்து சிறப்பிக்கவுள்ளமை குறிப்பிடத்தக்கது.