வரட்சி நிவாரண விநியோகப் பணிகளை துரிதப்படுத்த ஜனாதிபதி பணிப்புரை

Published By: R. Kalaichelvan

21 Sep, 2018 | 10:50 AM
image

இலங்கையின் பல மாவட்டங்களில் நிலவிவரும் வரட்சியான காலநிலையால் பாதிக்கப்பட்டுள்ள மக்களுக்கு நிவாரணம் வழங்கும் பணிகளை துரிதப்படுத்த ஜனாதிபதி மைத்திரபல சிறி சேனவின் பணிப்புரையில் நடவடிக்கை எடுக்கப்பட்டுள்ளது.ஜனாதிபதி, பிரதமர் மற்றும் நிதியமைச்சர் ஆகியோர் கலந்துரையாடியதன் பின்னர் இந்த நிவாரண பணிகளுக்காக 9,000 மில்லியன் ரூபா நிதி ஒதுக்கீடு செய்யப்பட்டுள்ளது.

வரட்சியான காலநிலையால் வடமத்திய மாகாணத்தின் சுமார் 420,000 மக்கள் பாதிக்கப்பட்டுள்ளதுடன், அவர்களுக்கு தேவையான குடிநீர், உலர் உணவு உள்ளிட்ட ஏனைய நிவாரணங்களை வழங்குவதற்காக முப்படையினரின் பங்களிப்பு பெறப்பட்டுள்ளது. அமைச்சரவை தீர்மானத்தின் படி மேற்குறிப்பிட்ட நிவாரண பணிகளுக்காக மாதமொன்றிற்கு 2,000 மில்லியன் ரூபா ஒதுக்கீடு செய்யப்பட்டுள்ளதுடன், இந்த நிதியை மாவட்ட செயலாளருக்கு விடுவிப்பதற்கான நடவடிக்கைகளும் மேற்கொள்ளப்பட்டுள்ளன.

நாடு முழுவதும் வரட்சி காலநிலையால் பாதிக்கப்பட்டுள்ள மக்களுக்கு துரித நிவாரணம் வழங்கும் செயற்திட்டம் இன்று ஆரம்பிக்கப்பட்டதுடன், மஹவிலச்சிய, துனுமடலாவ, எலபத்கம மற்றும் ஒயாமடுவ ஆகிய பிரதேசங்களுக்கு இன்று வரட்சி நிவாரணம் வழங்கப்பட்டன.

நிவாரணம் வழங்கும் செயற்திட்டம் நாளையும் நாளை மறுதினமும் தொடர்ந்து இடம்பெறவுள்ளன. கூட்டுறவு நிலையங்களினூடாக குறித்த நிவாரணம் வழங்கப்படவுள்ளதுடன்,இரு வாரங்களுக்கு ஒருமுறை உலர் உணவுப் பொதியொன்றை வழங்க நடவடிக்கை எடுக்கப்பட்டுள்ளது.

கடுமையான வரட்சியால் மக்கள் முகங்கொடுத்துள்ள இன்னல்கள் தொடர்பில் உடனடிக் கவனம் செலுத்தி நிவாரணங்கள் வழங்குவதற்கு நடவடிக்கை எடுக்குமாறு ஜனாதிபதி அனைத்து துறையிருக்கும் பணிப்புரை விடுக்கப்பட்டுள்ளது.

மேலும் வரட்சியால் பாதிக்கப்பட்ட மக்களுக்கு தேவையான உதவிகளை வழங்குவதற்கு அனைத்து ஊடகங்களும் முன்வர வேண்டும் என்று ஜனாதிபதி வேண்டுகோள் விடுத்துள்ளார்.

வரட்சியால் பாதிக்கப்பட்ட மக்கள் பற்றிய தகவல்களையும் அவர்களுக்கு வழங்கப்பட வேண்டிய நிவாரணம் பற்றிய விபரங்களையும் குறித்த மாவட்ட செயலாளர்களிடம் பெற்றுக்கொள்ள முடியும்.

முக்கிய செய்திகள்

icon-left
icon-right

தொடர்பான செய்திகள்

news-image

நன்னடத்தை பாடசாலை மேற்பார்வையாளர் பெண்ணிற்கு மீண்டும்...

2024-03-28 16:58:06
news-image

பாராளுமன்றம் ஏப்ரல் 01ஆம் திகதி மற்றும்...

2024-03-28 16:28:48
news-image

பெருந்தோட்ட கம்பனிகள் சமர்ப்பித்த முன்மொழிவை நிராகரித்த...

2024-03-28 16:19:07
news-image

கெஹெலிய ரம்புக்வெல்லவிற்கு மீண்டும் விளக்கமறியல்

2024-03-28 16:14:07
news-image

கொழும்பு கிராண்ட்பாஸ் பகுதியில் தீ பரவல்

2024-03-28 15:52:31
news-image

இன்றைய நாணய மாற்று விகிதம் 

2024-03-28 16:02:37
news-image

மீண்டும் அதிகரித்த தங்கத்தின் விலை!

2024-03-28 14:48:17
news-image

மக்களின் துயரங்களுக்கு தீர்வு காண நாட்டின்...

2024-03-28 14:26:10
news-image

இருவரைச் சுட்டுக் கொன்ற சம்பத் சமிந்தவின்...

2024-03-28 16:00:53
news-image

மாதமொன்றுக்கு 6 இலட்சம் கோழி முட்டைகள்...

2024-03-28 13:56:01
news-image

கத்தரிக்கோலால் தாக்கப்பட்டு ஒருவர் கொலை ;...

2024-03-28 12:03:22
news-image

ஆபாசப் படங்கள், நிர்வாணப் படங்கள் தொடர்பில்...

2024-03-28 12:07:47