தவறவிடாதீர்கள்..!உடனே பதிவு செய்யுங்கள்

காதலன் தூக்கில் தொங்கிய நிலையில் சடலமாக மீட்கப்பட்டதையடுத்து காதலியும் தற்கொலைக்கு முயற்சித்த நிலையில் வைத்தியசாலையில் அனுமதிக்கப்பட்ட சம்பவமொன்று வவுனியா செட்டிக்குளத்தில் இடம்பெற்றுள்ளது.

இச் சம்பவம் நேற்று புதன் கிழமை மதியம் ஒரு மணியளவில் இடம்பெற்றுள்ளது.

சம்பவம் பற்றி தெரியவருவதாவது,

செட்டிக்குளம் மெனிக்பாம் யுனிட்-2 இல் வசித்து வந்த 24 வயதுடைய கிருஸ்ணபிள்னை தினேஸ் என்ற இளைஞனே இவ்வாறு நேற்று மதியம் அவரது வீட்டில் தூக்கில் தொங்கி தற்கொலை செய்துள்ளார்.

இந்த தகவலையறிந்த குறித்த இளைஞனின் காதலி நேற்று மாலை தற்கொலைக்கு முயன்ற சமயத்தில் அயலவர்களினால் காப்பாற்றப்பட்டு வைத்தியசாலையில் அனுமதிக்கப்பட்டுள்ளார்.

குறித்த சம்பவம் தொடர்பில் மேலதிக விசாரணைகளை செட்டிக்குளம் பொலிஸார் மேற்கொண்டு வருவதுடன் இளைஞனின் சடலம் பிரேத பரிசோதனைகளுக்காக வைத்தியசாலையில் வைக்கப்பட்டுள்ளமை குறிப்பிடத்தக்கது.