திரு­கோ­ண­ம­லையில் இர­க­சிய தடுப்பு முகாம்கள் இருப்­ப­தாக எமது ஆணைக்­கு­ழு­வுக்கு சாட்­சி­ய­ம­ளித்த எவரும் கூற­வில்லை. அவ்­வாறு எமக்கு யாரா­வது சாட்­சி­ய­ம­ளித்­தி­ருந்தால் நாங்­களும் திரு­ம­லையில் உள்­ள­தாகக் கூறப்­படும் இர­க­சிய முகா­முக்கு சென்று பார்த்­தி­ருப்போம் என்று காணாமல் போனோர் குறித்து விசா­ரணை நடத்தும் ஜனா­தி­பதி ஆணைக்­கு­ழுவின் தலைவர் மெக் ஷ்வல் பர­ண­கம தெரி­வித்தார்.

எமது ஆணைக்­கு­ழுவை நிறுத்­தி­விட்டு கோப்­புக்­களை புதி­தாக அமைக்­கப்­ப­ட­வுள்ள காணாமல் போனோர் அலு­வ­ல­கத்­திடம் ஒப்­ப­டைக்­கு­மாறு ஜனா­தி­பதி மைத்­தி­ரி­பால சிறி­சேன கோரினால் அத­னை­யேற்று கோப்­புக்­களை வழங்க தயா­ராக இருக்­கின்றோம் என்றும் அவர் குறிப்­பிட்டார்.


பர­ண­கம ஆணைக்­கு­ழுவின் செயற்­பா­டு­களை உட­ன­டி­யாக நிறுத்­த­விட்டு அதன் கோப்­புக்­களை காணாமல் போனோர் தொடர்பில் அர­சாங்கம் அமைக்­க­வுள்ள அலு­வ­ல­கத்­திடம் ஒப்­ப­டைக்­க­வேண்டும் என்று இலங்­கைக்கு விஜயம் மேற்­கொண்­டி­ருந்த ஐக்­கிய நாடு­களின் காணாமல் போனோர் குறித்த செயற்­கு­ழுவின் பிர­தி­நி­திகள் தெரி­வித்­தமை குறித்து விப­ரிக்­கை­யி­லேயே அவர் மேற்­கண்­ட­வாறு குறிப்­பிட்டார்.


மெக்ஷ்வல் பர­ண­கம இந்த விடயம் குறித்து மேலும் குறிப்­பி­டு­கையில்,


நாங்கள் வடக்கு கிழக்கு மாகா­ணங்கள் முழு­வதும் எமது ஆணைக்­கு­ழுவின் ஊடாக அமர்­வு­களை நடத்தி பாதிக்­கப்­பட்ட மக்­க­ளிடம் சாட்­சி­யங்­களை பெற்­றுக்­கொண்டோம். அந்­த­வ­கையில் நாங்கள் சாட்­சி­யங்­களை மக்­க­ளிடம் பெற்­ற­போது சாட்­சி­ய­ம­ளித்­த­வர்கள் எவரும் திரு­கோ­ண­ம­லையில் இர­க­சிய தடுப்பு முகாம்கள் இருப்­ப­தாக கூற­வில்லை.

அவ்­வாறு எமக்கு யாரா­வது சாட்­சி­ய­ம­ளித்­தி­ருந்தால் நாங்­களும் திரு­ம­லையில் உள்­ள­தாகக் கூறப்­படும் இர­க­சிய முகா­முக்கு சென்று பார்த்­தி­ருப்போம். எங்­க­ளிடம் யாரும் சாட்­சி­ய­ம­ளித்­தி­ருந்தால் அதன்­படி செய்­தி­ருப்போம். ஆனால் அமர்­வு­களை நடத்­தும்­போது இவ்­வாறு யாரா­வது சாட்­சி­ய­ம­ளித்­தி­ருந்தால் அது தொடர்பில் ஆராய்ந்­தி­ருப்போம்.


எமது ஆணைக்­கு­ழு­வா­னது மிகவும் அர்ப்­ப­ணிப்­பு­ட­னேயே இந்த காணாமல் போனோர் குறித்த விட­யங்­களை ஆராய்ந்து வரு­கின்றோம். அந்­த­வ­கையில் யாழ்ப்­பா­ணத்­திலும் அமர்­வு­களை நடத்­து­கின்றோம். இது மிகவும் பரந்­து­பட்ட ஆணைக்­கு­ழு­வாகும்.


யுத்­த­கா­லத்தில் காணா­மல்­போ­ன­வர்கள் தொடர்பில் விசா­ரணை நடத்­து­வது என்­பது இல­கு­வா­ன­தல்ல. எனினும் நாங்கள் அதனை மேற்­கொண்­டு­வ­ரு­கின்றோம். காணாமல் போனோர் உயி­ருடன் இருக்­கின்­ற­னரா? இறந்­து­விட்­ட­னரா? என்ன நடந்­தது என்­பது குறித்து ஆராய்­வது இல­கு­வான விட­ய­மல்ல. எனினும் நாங்கள் அதனை செய்­து­வ­ரு­கின்றோம்.


இதே­வேளை பர­ண­கம ஆணைக்­கு­ழுவின் செயற்­பா­டு­களை உட­ன­டி­யாக நிறுத்­த­விட்டு அதன் கோப்­புக்­களை காணாமல் போனோர் தொடர்பில் அர­சாங்கம் அமைக்­க­வுள்ள அலு­வ­ல­கத்­திடம் ஒப்­ப­டைக்­க­வேண்டும் என ஐக்­கிய நாடுகள் சபை தெரி­வித்­துள்­ளது. எம்மை சந்­தித்­த­போதும் ஐக்­கிய நாடு­களின் காணாமல் போனோர் குறித்த குழு இந்த விடயம் தொடர்­பாக குறிப்­பிட்­டது.


எமது ஆணைக்­கு­ழுவை நிறுத்­தி­விட்டு கோப்­புக்­களை புதி­தாக அமைக்­கப்­ப­ட­வுள்ள காணாமல் போனோர் அலு­வ­ல­கத்­திடம் ஒப்­ப­டைக்­கு­மாறு ஜனா­தி­பதி மைத்­தி­ரி­பால சிறி­சேன கோரினால் அத­னை­யேற்று கோப்­புக்­களை வழங்க தயா­ராக இருக்­கின்றோம். இது ஜனா­தி­பதி ஆணைக்­குழு என்­பதால் ஜனா­தி­ப­தியே எமக்கு கூற­வேண்டும். அவ்­வாறு கூறி­ய­வுடன் எமது செயற்­பா­டு­களை முடி­வுக்கு கொண்­டு­வர தயா­ராக இருக்­கின்றோம். எமக்கு எந்த பிரச்­சி­னையும் இல்லை. அர­சாங்கம் கூறினால் இதனை செய்­வ­தற்கு நாங்கள் தயா­ராக இருக்­கின்றோம் என்றார்.


இதே­வேளை இலங்கை வந்­தி­ருந்த ஐக்­கிய நாடு­களின் காணாமல் போனோர் குறித்த செயற்­கு­ழுவின் பிர­தி­நி­திகள் பர­ண­கம குழு குறித்து குறிப்­பி­டு­கையில்,


நாங்கள் பர­ண­கம ஆணைக்­கு­ழுவை சந்­தித்துப் பேச்­சு­வார்த்தை நடத்­தினோம். இந்த ஆணைக்­கு­ழுவின் அறிக்கை அண்­மையில் வெளி­யி­டப்­பட்­டி­ருந்­தது. இந்த ஆணைக்­கு­ழுவின் சுயாதீன தன்மை குறித்து கேள்வி எழுப்பப்பட்டுள்ளது. இந்த ஆணைக்குழுவின் செயற்பாடுகள் அரசாங்கத்தின் காணாமல் போனோர் குறித்து உருவாக்கவுள்ள அலுவலகம் தொடர்பில் சந்தேகத்தை ஏற்படுத்துகிறது. அதனால் இந்த ஆணைக்குழுவின் அனைத்து கோப்புக்கைளயும் அரசாங்கத்தினால் புதிதாக அமைக்கப்படவுள்ள காணாமல் போனோர் குறித்து அலுவலகத்திற்கு சமர்ப்பிக்குமாறு நாங்கள் மிகவும் வலிமையாக பரிந்துரை செய்கின்றோம் என்றனர்.