தவறவிடாதீர்கள்..!உடனே பதிவு செய்யுங்கள்

லுணுகலை பிரதான பாதையை அகலமாக்கி சீரமைத்து தருமாறு கோரி லுணுகலை நகரில் மக்கள் சுமார் 2000 பேர் பெரும் கண்டன ஆர்பாட்டம் ஒன்றினை இன்று பகல் மேற்கொண்டிருந்தனர்.

இப்போராட்டத்தில் ஈடுபட்டோர் பாதையை வழிமறைத்து அமர்ந்து ஆர்ப்பாட்டம் செய்ததினால் ஆர்ப்பாட்டம் செய்தவர்களுக்கும், பொலிஸாருக்கும் இடையே கடும் முறுகல் நிலை ஏற்பட்டது.

போராட்டக்காரர்கள் லுணுகலை பிரதேச செயலாளர் டீ.எல்.எச். திசாநாயக்கவிடம் மகஜர் ஒன்றை கையளித்தனர். அதனையடுத்து அவர் வீதி அபிவிருத்தி அதிகார சபைக்கு அழுத்தம் கொடுத்து பாதையை  சீரமைத்து தருவதற்கும் உறுதியளித்தமையினால் போராட்டம் தற்காலிகமாக நிறுத்தப்பட்டது.

இப்போராட்டத்தின் போது ஆட்டோக்கள் பலவும் நிறுத்தப்பட்டன. பொலிஸ் பாதுகாப்பும் பலப்படுத்தப்பட்டிருந்தது.