தவறவிடாதீர்கள்..!உடனே பதிவு செய்யுங்கள்

6600 வீர, வீராங்­க­னைகள் போட்­டி­யி­ட­வுள்ள பொது­ந­ல­வாய நாடு­களின் விளை­யாட்டுப் போட்டி (கொமன்வெல்த் விளை­யாட்டு) இன்று அவுஸ்­தி­ரே­லி­யாவின் கோல்ட் கோஸ்ட் நகரில் கோலா­க­ல­மாக ஆரம்­ப­மா­க­வுள்­ளது. இம்­முறை நடை­பெ­ற­வுள்ள போட்­டி­களில் ஆண், பெண் இரு­பா­லா­ருக்கும் சரி­ச­ம­மான தங்­கப்­ப­தக்­கங்கள் வழங்­கப்­ப­ட­வுள்­ளமை விசேட அம்­ச­மாகும்.

நான்கு ஆண்­டு­க­ளுக்கு ஒரு­முறை நடத்­தப்­படும் பொது­ந­ல­வாய விளை­யாட்டு விழா இம்­முறை 21ஆவது தட­வை­யாக கோல்ட் கோஸ்டில் நடை­பெ­று­கின்­றது. அவுஸ்­தி­ரே­லியா இம்­முறை ஐந்­தா­வது தட­வை­யாக இந்தத் தொடரை நடத்­து­கின்­றது. இதற்கு முன்னர் 1938ஆம் ஆண்டு சிட்­னி­யிலும், 1962ஆம் ஆண்டு பேர்த்­திலும், 1982ஆம் ஆண்டு பிரிஸ்­பேரி­னிலும். 2006 ஆம் ஆண்டு மெல்­பேர்­னிலும் நடத்­தி­யுள்­ளது.

வர­லாற்றில் முதன்­மு­றை­யாக

வர­லாற்றில் முதன்­மு­றை­யாக விளை­யாட்டுப் போட்­டி­களில் ஆண் மற்றும் பெண் இரு பிரி­வு­க­ளிலும் சம­மான பதக்­கங்­களை வழங்கும் முறையை கோல்ட் கோஸ்ட் பொது­ந­ல­வாய விளை­யாட்டுப் போட்­டிகளில் அறி­மு­கப்­ப­டுத்­தப்­பட்­டுள்­ளது. இது­வரை காலமும் ஆண்கள் பிரி­வு­க­ளி­லேயே அதி­க­ள­வான தங்­கப்­ப­தக்­கங்கள் வழங்­கப்­பட்­டி­ருந்­தன. இம்­முறை சரி சம­மாக இந்த பதக்க எண்­ணிக்கைக்குரிய போட்­டிகள் பிரிக்­கப்­பட்­டுள்­ளன. ஒலிம்பிக் போட்டித் தொட­ரி­லும்­ கூட இந்த சம பங்­கீட்டு முறை அறி­மு­கப்­ப­டுத்­தப்­ப­ட­வில்லை. அதன்­படி இம்­முறை மொத்தம் 275 தங்­கப்­ப­தக்­கங்கள் பகி­ர்ந்­த­ளிக்­கப்­ப­ட­வுள்­ளன. இதில் 133 ஆண்கள் போட்­டிகளும் 133 பெண்கள் போட்­டிகளும் நடத்­தப்­பட்டு 133 பதக்­கங்கள் வீதம் இரு­பா­லா­ருக்கும் சரி­ச­ம­மாக வழங்­கப்­ப­ட­வுள்­ளன. ஏனைய 9 பதக்­கங்கள் இரு­பா­லாரும் பங்­கேற்கும் கலப்பு பிரி­வு­க­ளுக்கு வழங்­கப்­ப­ட­வுள்­ளன.

இலங்­கையின் வாய்ப்பை 

தட்­டிப்­ப­றித்த கோல்ட் கோஸ்ட்

2018 ஆம் ஆண்­டுக்­கான பொது­ந­ல­வாய விளை­யாட்டு விழாவை எந்த நகரில் நடத்துவதென்ற போட்­டியில் ஹம்­பாந்­தோட்டை நக­ரமும் அவுஸ்­தி­ரே­லி­யாவின் குயின்ஸ்­லாந்து மாநி­லத்தின் கோல்ட் கோஸ்ட் நக­ர­முமே மோதின. இதில் ஹம்­பாந்­தோட்டை நகரம் 27 வாக்­கு­களைப் பெற கோல்ட்கோஸ்ட் நகரம் 43 வாக்­கு­களைப் பெற்று போட்­டி வாய்ப்பை இலங்­கை­யி­ட­மி­ருந்து பறித்­துக்­கொண்­டது.

வர­லாறு

கொமன்வெல்த் போட்­டி­க­ளா­னது முதன்­மு­தலில் பிரித்­தா­னியப் பேர­ரசு விளை­யாட்­டுக்கள் என்ற பெயரில் 1930 ஆம் ஆண்டு ஹெமில்­டனில் நடத்­தப்­பட்­டுள்­ளது. அதன்­பி­றகு 1954ஆம் ஆண்டு இப்­பெ­ய­ரா­னது பிரித்தா­னியப் பேர­ரசு மற்றும் பொது­ந­ல­வாய விளை­யாட்­டுக்கள் என்று மாற்­றம்­பெற்­றது. மீண்டும் 1970ஆம் ஆண்டு பிரித்­தா­னிய பொது­ந­ல­வாய விளை­யாட்­டுக்கள் என மாற்­றப்­பட்­டது. அதன்­பி­றகு 1978 ஆம் ஆண்டு முதல் பொது­ந­ல­வாய விளை­யாட்­டுக்கள் என்ற பெயரால் அதி­கார ­பூர்­வ­மாக நடத்­தப்­பட்டு வரு­கின்­றது.

பொது­ந­ல­வாய விளை­யாட்டுப் போட்­டி­களில் மொத்தம் 71 அணிகள் பங்­கேற்­கின்­றன. இதில் ஐக்­கிய இராச்­சியம் நான்கு அணி­க­ளாக பிரிந்து இந்த விளை­யாட்டுப் போட்­டி­களில் கலந்­து­கொள்­கின்­றது. ஆனாலும் ஒலிம்பிக் போட்­டி­களில் ஒரே நாட்டு அணி­யாக கலந்­து­கொள்ளும் ஐக்­கிய இராச்­சி­ய­மா­னது இதில் இங்­கி­லாந்து, ஸ்கொட்­லாந்து, வேல்ஸ் மற்றும் வடக்கு அயர்­லாந்து ஆகி­ய­வை­யாக பிரிந்­துள்­ளது. அதேபோல் அவுஸ்­தி­ரே­லி­யாவும் இரண்டு அணி­களை அனுப்­பு­கின்­றது. அதேபோல் நியூ­ஸி­லாந்து அணிகள் இரண்டும் கலந்­து­கொள்­கின்­றன.

ஆரம்­ப­விழா

கோல்ட்கோஸ்ட் நகரின் கராரா மைதா­னத்தில் இன்று அவுஸ்­தி­ரே­லிய நேரப்­படி இரவு 8 மணிக்கு 21ஆவது பொது­ந­ல­வாய விளை­யாட்டுப் போட்­டி­களின் ஆரம்­ப­விழா நடை­பெ­ற­வுள்­ளது. ஆரம்ப விழாவில் பிரித்­தா­னிய இள­வ­ரசர் சார்ள்ஸ் மற்றும் அவ­ரது பாரியார் ஆகியோர் சிறப்பு அதி­தி­க­ளாகக் கலந்­து­கொண்டு போட்­டி­களை ஆரம்­பித்து வைக்­க­வுள்­ளனர். 

1930 ஆம் ஆண்டு முதல் 1950ஆம் ஆண்­டு­வரை நாடு­களின் அணி வகுப்பில் பிரித்­தா­னிய ஒன்­றியக் கொடியை ஏந்திச் செல்லும் ஒருவர் மட்­டுமே முன் செல்வார். அது பிரித்­தா­னியப் பேர­ரசில் பிரிட்­டனின் முதன்­மை­யான இடத்தை அடை­யா­ளப்­ப­டுத்­தி­யது. அதன்­பி­றகு அந்த மரபில் மாற்றம் செய்­யப்­பட்­டது. 

1958ஆம் ஆண்­டி­லி­ருந்த பக்கிங்ஹாம் அரண்­ம­னை­யி­லி­ருந்து தொடக்க விழா நடைபெறும் இடம்­வரை தட­கள வீரர்கள் கோல் ஒன்­றினை ஏந்திச் செல்லும் தொடர் ஓட்டம் ஒன்று நடத்­த­ப்பட்­டுள்­ளது. இந்தக் கோலி­னுள்ளே தட­கள வீரர்­க­ளுக்­கான ராணியின் வாழ்த்துச் செய்தி இருந்­துள்­ளது. கோலினை கடை­சி­யாக ஏந்திச் செல்­பவர் வழக்­க­மாக போட்­டி­யினை நடத்தும் நாட்டின் பிர­பல வீர­ராக இருப்பார். 

தொடக்க விழாவில் அனைத்து நாடு­களும் ஆங்­கில எழுத்­து­முறை வரி­சைப்­படி அணி­வ­குத்து செல்­லும். அத்­தோடு இதற்கு முன் போட்­டி­களை நடத்­திய நாட்டு வீரர்கள் அணி வகுப்பில் முத­ ல­ாவது அணி­யாகச் செல்­வார்கள். அதேபோல் தற்­போது தொடரை நடத்தும் நாடு கடைசி அணி­யாக அணி வகுப்பில் கலந்­து­கொள்ளும்.

இலங்கை அணி

இம்­முறை இலங்கை 13 வகை­யான போட்­டி­களில் பங்­கு­பற்­று­கின்­றது. இதற்கு மொத்தம் 80 வீரர்கள் வரை வருகை தந்துள்ளனர். பயிற்­சி­யா­ளர்­க­ளுடன் சேர்த்து மொத்தம் 150 பேர் இம்­முறை போட்டித் தொடரில் இலங்­கையை பிர­தி­நி­தித்­து­வப்­ப­டுத்­த­வுள்­ளனர்.

இதில் மெய்­வல்லுநர் போட்­டி­களில் 13 வீரர்­களும், பளு­தூக்கல் போட்­டி­களில் 11 பேரும், மல்­யுத்தம் 6, எழுவர் றக்பி 12 வீரர்களையும் கொண்ட அணி­களே அதிக வீரர்களை உள்ளடக்கி இம்முறை போட்டிகளில் கலந்­து­கொள்­கின்­றன.

இன்­றைய ஆரம்­ப­ விழா அணி­வ­குப்பில் இலங்கைக் கொடியை ஏந்திச் செல்­லப்­போ­வது பளு­தூக்கல் வீர­ரான சிந்­தன கீதால் விதா­னகே. இவர் பொது­ந­ல­வாய விளை­யாட்டு விழாவில் தங்­கப்­ப­தக்கம் வென்­றவர் என்­பது குறிப்­பி­டத்­தக்­கது. அதே­வேளை இம்­முறை விளை­யாட்டுப் போட்­டி­களில் இலங்­கைக்கு பளு­தூக்கல் பிரிவில் தங்­கப்­ப­தக்கம் ஒன்று வெற்­றி ­கொள்­வ­தற்­கான வாய்ப்­புகள் அதிகம் இருப்­ப­தா­கவும் எதிர்­பார்க்­கப்­ப­டு­கி­றது.

உச்­ச­பட்ச பாது­காப்பு

குயிண்ட்ஸ்லான் மாநி­லத்தில் இது­வரை இல்­லாத அள­விற்கு பொது­ந­ல­வாய விளை­யாட்டு போட்­டி­க­ளுக்கு கடும் பாது­காப்பு போடப்­பட்­டுள்­ளது. இந்தப் பாது­காப்பு நட­வ­டிக்­கை­க­ளுக்­காக 1000 இற்கும் அதிகமான விசேட பாது­காப்பு படை­யி­னரும், 3500 பொலி­ஸாரும் கட­மையில் அமர்த்­தப்­பட்­டுள்­ளனர். அத்­தோடு ஜெட் வகை யுத்த விமா­னங்கள் (Fighter Jets)  மற்றும் ட்ரோன் துப்­பாக்­கி­களும் (Drone guns) பயன்­ப­டுத்­தப்­­ப­ட­வுள்­ள­தாகத் தெரி­விக்­கப்­ப­டு­கி­றது. இந்த போட்­டி­க­ளுக்­காக உலக நாடு­க­ளி­லி­ருந்து 6 இலட்­சத்து 72 ஆயிரம் பேர் ­வரை வருகை தர­வுள்­ள­தாக அறி­யக்­கி­டைக்­கின்­றது. 

வீரர்கள் தங்­கி­யுள்ள விளை­யாட்டு கிரா­மத்­திற்கு உச்­ச­பட்ச பாது­காப்பு வழங்­கப்­பட்­டுள்­ளது. இந்த விளை­யாட்டு கிரா­மத்­திற்குள் அனு­ம­தி­யற்ற யாருமே நுழைய முடி­யா­த­வ­கையில் பாது­காப்­புகள் பலப்­ப­டுத்­தப்­பட்­டுள்­ளன. அத்­தோடு கிரா­மத்­திற்கு மேலாக விமா­னங்கள் ஹெலி­கொப்­டர்கள் பறப்­ப­தற்கும் தடை­வி­திக்கப்­பட்­டுள்­ளது. ட்ரோன் கெம­ராக்கள் எனப்­படும் பறக்கும் கெம­ராக்­களை விளை­யாட்டு கிரா­மத்­திற்கு மேலாக பறக்க தடை விதிக்­கப்­பட்­டுள்­ளது. மீறி பறந்தால் சுட்டு வீழ்த்­தவும் உத்­த­ர­வி­டப்­பட்­டுள்­ளது.

கால­நிலை குறித்து அச்சம்

இன்­றைய ஆரம்­ப­வி­ழா­விற்கு மழை­யினால் பாதிப்­புகள் ஏற்­பட அதிக வாய்ப்­புள்­ள­தாக ஏற்­பாட்­டா­ளர்கள் தெரி­வித்­துள்­ளனர். நேற்­றைய நாளிலும் இடை­யி­டையே மழை பெய்­து­கொண்­டி­ருந்­தது. இதே கால­நிலை இன்றும் தொடரும் பட்­சத்தில் ஆரம்ப விழா நிகழ்­வுகள் பாதிக்கக்கூடும். விழா நடைபெறவுள்ள கராரா மைதானத்தில் 35 ஆயிரம் பேர்வரையில் அமர்ந்து பார்க்கக்கூடிய அளவிற்கு ஏற்பாடுகள் செய்யப்பட்டுள்ளன. இந்நிலையில் மழை பெய்தால் அதில் 5000 பேருக்கு மட்டுமே கூரையுடன் கூடிய இருக்கைகள் கிடைக்கும் என்பது குறிப்பிடத்தக்கது.

இன்று ஆரம்பமாகும் பொதுநலவாய விளையாட்டு விழா மொத்தம் 11 நாட்கள் நடைபெற்று எதிர்வரும் 15ஆம் திகதி நிறைவு பெறுகின்றது. இதில் மொத்தம் 25 வகையான விளையாட்டு பிரிவுகளில் 275 போட்டிகள் நடைபெறவுள்ளன. இதுவரையில் நடைபெற்றுள்ள பொதுநலவாய விளையாட்டுப் போட்டிகளின் பதக்க பட்டியலின் அடிப்படையில் 852 தங்கப்பதக்கங்களுடன் 2218 மொத்தப் பதக்கங்களைப் பெற்று அவுஸ்திரேலியா முதலிடத்தில் நீடிக்கிறது. 669 தங்கங்களுடன் இங்கிலாந்து இரண்டாவது இடத்திலும், கனடா 469 தங்கப் பதக்கங்களுடன் மூன்றாவது இடத்திலும் உள்ளன.