தவறவிடாதீர்கள்..!உடனே பதிவு செய்யுங்கள்

இலங்கை, இந்­தியா, பங்­க­ளாதேஷ் ஆகிய 3 நாடுகள் பங்­கேற்கும் சுதந்திரக் கிண்ண முத்­த­ரப்பு இரு­ப­துக்கு 20 கிரிக்கெட் தொடர் இன்று கொழும்பு ஆர். பிரே­ம­தாச சர்­வ­தேச கிரிக்கெட் அரங்கில் ஆரம்­ப­மா­கின்­றது.

இலங்கை சுதந்­திரம் பெற்று 70 ஆண்­டுகள் நிறைவு பெற்­றதைத் தொடர்ந்து 3 நாடு­க­ளுக்­கி­டை­யி­லான இரு­ப­துக்கு 20 சுதந்­திரக் கிண்ணக் கிரிக்கெட் தொடர் நடத்­தப்­ப­டு­கி­றது.

இதற்கு முன்னர் 1998ஆம் ஆண்டு இலங்­கையின் 50ஆவது சுதந்­திர தினத்தை முன்­னிட்டு இதேபோல் 3 நாடுகள் மோதிய சுதந்­திரக் கிண்ணத் தொடர் நடத்­தப்­பட்­டது.

அத் தொடரில் இலங்கை,  இந்­தியா, நியூ­ஸி­லாந்து ஆகிய அணிகள் போட்­டி­யிட்­டி­ருந்­தன. இத் தொடரின் இறுதிப் போட்டியில் இலங்­கையை வீழ்த்தி இந்­திய அணி தொடரை வென்றிருந்தது.

இந்நிலையில் 70ஆவது சுதந்திர தினத்தை முன்னிட்டு நடத்தப்படும் முத்தரப்பு சுதந்திரக் கிண்ணத் தொடர் இன்று ஆரம்பமாகி எதிர்­வரும் 18ஆம் திகதி வரை நடை­பெ­ற­வுள்­ளது.

இப்­போட்­டியில் ஒவ்­வொரு அணியும் மற்ற அணி­க­ளுடன் தலா 2 முறை மோத வேண்டும். ‘லீக்’ முடிவில் புள்­ளிகள் அடிப்­ப­டையில் முதல் இரு இடங்­களை பிடிக்கும் அணிகள் இறு­திப்­போட்­டிக்கு தகுதி பெறும்.

இன்று நடை­பெறும் தொடக்க ஆட்­டத்தில் இலங்கை – இந்­திய அணிகள் மோது­கின்­றன.

இலங்கை அணிக்கு தினேஷ் சந்­திமால் தலை­வ­ராக நிய­மிக்­கப்­பட்­டுள்ளார். அதே­வேளை நுவன் பிரதீப் மற்றும் சுரங்க லக்மால் ஆகி­யோரும் அணிக்கு திரும்­பி­யுள்­ளமை கூடுதல் பலமே.

இறு­தி­யாக பங்­க­ளா­தே­ஷுக்கு சுற்றுப்பயணம் மேற்­கொண்­டி­ருந்த இலங்கை அணி அங்கு நடை­பெற்ற 3 வகை­யான கிரிக்கெட் தொடர்களிலும் வெற்­றி­வா­கைசூடி 3 கிண்­ணங்­க­ளுடன் நாடு திரும்­பி­யது.

அந்த உத்­ேவ­கத்தில் உள்ள இலங்கை அணி சுதந்­திரக் கிண் ணத் தொட­ரிலும் சாதிக்கும் முனைப்­

புடன் இன்று களம் காண்­கின்­றது.

உபுல் ­த­ரங்க, குஷல் மெண்டிஸ், திஸர பெரேரா, அகில தனஞ்­சய ஆகியோர் சிறந்த முறையில் ஆடி வரு­கின்­றனர்.

அதேபோல் பங்­க­ளா­தே­ஷுக்கு எதி­ரான இரு­ப­துக்கு 20 தொடரில் துடுப்பா­ட்ட வீர­ராக கள­மி­றக்­கப்­பட்ட தசுன் சானக்க தனது அதி­ரடி ஆட்­டத்­தால் எதி­ரணி பந்­து­வீச்­சா­ளர்­களை நிலை­கு­லையச் செய்­து­வி­ட்டார்.

இலங்கை அணியின் பயிற்­சி­யாளர் ஹத்­து­ரு­சிங்­கவின் இவ் வியூகம் அணிக்கு சிறப்­பாக கைகொ­டுத்­தது. அதனால் இன்­றைய போட்­டி­யிலும் தசுன் சானக்க இரண்­டா­வ­தாக அல்­லது மூன்­ற­ாவ­தாக கள­மி­றக்­கப்­ப­டலாம்.

காயம் கார­ண­மாக இலங்கை அணித் தலைவர் அஞ்­சலோ மெத்­தியூஸ் இத் தொடரில் ஆட­வில்லை. 

அதி­ரடி ஆட்­டக்­கா­ரரும் விக்கெட் காப்­பா­ள­ரு­மான திக்­வெல்­லவும் நீக்­கப்­பட்­டுள்ளார். அவ­ருக்கு பதில் குசல் ஜனித் பெேரரா  உள்ளே வந்­துள்ளார். 

அதேபோல் இந்­திய அணி யைப் பொறுத்­த­வ­ரையில்

தலைவர் விராட் கோஹ்லி, டோனி, புவ­னேஷ்­வர்­குமார், பும்ரா, குல்­தீப் ­யாதவ், ஹர்த்திக் பாண்ட்யா போன்ற முன்­னணி வீரர்­க­ளுக்கு இத் தொடரில் ஓய்வு கொடுக்­கப்­பட்­டுள்­ளது. 

இந்­திய அணியை ரோஹித் ஷர்மா வழிநடத்திச் செல்­கிறார். அவர் தலை­வ­ராக இருந்த 4 இரு­ப­துக்கு 20 போட்­டி­க­ளிலும் தொடர்ச்­சி­யாக வெற்­றியை பெற்­றுக்­கொ­டுத்து சாதனை புரிந்­துள்ளார். இதே நிலையைத் தக்க வைத்துக் கொள்ள அவர் கடு­மை­யாக போரா­டுவார்.

தவான், ரெய்னா, மனிஷ் பாண்டே, ராகுல், சாஹல், அக்‌ஷர் பட்டேல் போன்ற சிறந்த வீரர்­களும் அணியில் உள்­ளனர்.

பங்­க­ளாதேஷ் அணிக்கு மெஹ்­மு­துல்லா தலை­வ­ராக உள்ளார். அந்த அணியின் தலை­வரும் சகலதுறை ஆட்­டக்­கா­ர­ரு­மான சகிப்- அல் – -ஹசன் காயத்தால் வில­கி­யமை பங்­க­ளா­தே­ஷுக்கு பெரும் பாதிப்பே.

முஷ்பிகூர் ரஹீம், தமிம் இக்பால், முஸ்தபிஸுர் ரஹ்மான் போன்ற சிறந்த வீரர்கள் அந்த அணியில் உள்ளனர்.

சமபலம் மிக்க மூன்று நாடுகள் இத் தொடரில் பங்கேற்றுள்ளமையால் சுதந்திரக் கிண்ணத் தொடர் கிரிக்கெட் விருந்து படைக்கும் என்பது திண்ணம்.