தவறவிடாதீர்கள்..!உடனே பதிவு செய்யுங்கள்

ரோயல் மற்றும் தோமியன் அணி­க­ளுக்­கி­டை­யி­லான 139ஆவது கிரிக்கெட் சமர் எதிர்­வரும் மார்ச் மாதம் 8 ஆம் திகதி முதல் 10 ஆம் திகதி வரை கொழும்பு எஸ்.எஸ்.சி. சர்வதேச கிரிக்கெட் மைதானத்தில் நடை­பெ­ற­வுள்­ளது.

கொழும்பு ரோயல் கல்­லூரி மற்றும் கல்­கிஸை புனித தோமியன் கல்­லூரி அணிகள் மோதும் ''நீலங்­களின் சமர்'' என்று வர்­ணிக்­கப்­படும் கிரிக்கெட் தொட­ரா­னது இலங்­கையின் மிக நீண்ட வர­லாற்றைக் கொண்ட ஒரு தொட­ராகும்.

ரோயல் மற்றும் தோமியன் கல்­லூ­ரிகள் பங்­கேற்கும் '' நீலங்­களின் சமர்'' (Battle of the Blues) என்று அழைக்­கப்­படும் வரு­டாந்த கிரிக்கெட் போட்டி 139ஆவது ஆண்­டாக இம்­முறை இடம்­பெ­று­கின்­றது.  

இது உலகில் இடம்­பெறும் இரண்­டா­வது பழ­மை­யான கிரிக்கெட் தொடர் என்­பதே இதன் விசேட அம்­ச­மாகும்.

இம்­முறை நடை­பெ­ற­வுள்ள நீலங்­களின் சம­ருக்கும் டயலொக் நிறு­வனம் பிர­தான அனு­ச­ர­ணையை வழங்­கு­கின்­றது. 

மிக நீண்ட வர­லாற்றை கொண்ட ரோயல் மற்றும் தோமியன் சமர் 1879ஆம் ஆண்டு ஆரம்­பித்த அதே­நேரம் தொடர்ச்­சி­யாக வரு­டம் ­தோறும் நடை­பெற்று வரும் உல­கி­லுள்ள இரண்டாம் போட்­டி­யாகும். முத­லா­வ­தாக இந்த போட்­டி­க­ளுக்கு ஒரு வரு­டத்­துக்கு ­முன்னதாக ஆரம்­பிக்­கப்­பட்ட அவுஸ்­தி­ரே­லியாவின் அடிலெய்ட் நக­ரி­லுள்ள புனித பேதுரு கல்­லூரி மற்றும் பிரின்ஸ் அல்பர்ட் கல்லூரிக்குமிடையே நடைபெற்றுவரும் போட்டியாக இருக்கிறது.

பழம்­பெரும் போட்­டி­யாக நடை­பெற்­று­வரும் இந்த நீலங்­களின் சமரில் 139ஆவது போட்டித் தொடரை வெல்லப் போவது ரோயல் கல்­லூரி அணியா அல்­லது தோமியன் கல்­லூரி அணியா என்­பதை பொறுத்­தி­ருந்து பார்ப்போம்.