தவறவிடாதீர்கள்..!உடனே பதிவு செய்யுங்கள்

சட்ட விரோதமாக எல்லை தாண்டி மீன்பிடியில் ஈடுபட்ட எட்டு இந்திய மீனவர்கள் இலங்கை கடற்படையினரால் கைது செய்யப்பட்டுள்ளதுடன் இரண்டு படகுகளையும் இலங்கை கடற்படை வசப்படுத்தியுள்ளது. 

இலங்கை கச்சத்தீவு பகுதியில் நேற்று இரவு 7.15 மணியளவில் இந்திய மீனவர்கள் நால்வர் சட்டவிரோத மீன்பிடியில் ஈடுபட்ட நிலையில் இலங்கை கடற்படையினரால் கைதுசெய்யப்பட்டனர். அத்துடன்  நேற்று பின்னிரவு 10.50 மணியளவில் மேலும் நான்கு இந்திய தமிழக மீனவர்கள் சட்டவிரோத மீன்பிடியில் ஈடுபட்ட நிலையில் இலங்கை கடற்படையினரால் கைதுசெய்யப்பட்டுள்ளனர்.  இந்திய மீனவர்களின் இரண்டு படகுகளை இலங்கை கடற்படை தன்வசப்படுத்தியுள்ளது. 

கைதுசெய்யப்பட்ட எட்டு இந்திய மீனவர்களையும் யாழ். மாவட்ட கடற்றொழில் மற்றும் நீரியல்வளத்துறை அதிகாரிகளிடம் ஒப்படைத்துள்ளனர். இன்று இவர்களை  யாழ் நீதிமன்றத்தில் ஆஜர்படுத்தியுள்ளனர். இந் நிலையில்  கடந்த  வெள்ளிக்கிழமை இந்திய மீனவர்கள் 10 பேர் சட்டவிரோத மீன்பிடியில் ஈடுபட்ட நிலையில்  பருத்தித்துறை கடல் எல்லையில் இலங்கை கடற்படையினரால் கைது  செய்யப்பட்ட நிலையில் யாழ். மாவட்ட கடற்றொழில் மற்றும் நீரியல்வளத்துறை அதிகாரிகளிடம் ஒப்படைத்ததுடன் அவர்கள் தொடர்பிலான வழக்கும் யாழ் நீதிவான் நீதிமன்றில் முன்னெடுக்கப்படவுள்ளமை குறிப்பிடத்தக்கது.