திஸ்ஸமஹாராம பகுதியில் அரிய வகை வனவிலங்குகளின் பாகங்களுடன் ஜெர்மன் சுற்றுலாப்பயணிகள் இருவர் கைது!

05 Nov, 2026 | 02:25 PM
image

திஸ்ஸமஹாராம பகுதிக்கு அருகில் உள்ள பாபவ உத்தகந்தர வனப் பகுதியில் உயிருள்ள அரிய வகை வனவிலங்குகள் மற்றும் விலங்குகளின் பாகங்களைச் சட்டவிரோதமாகச் சேகரித்து வைத்திருந்த குற்றச்சாட்டின் கீழ் ஜெர்மன் சுற்றுலாப்பயணிகள் இருவரும், அவர்களுக்கு உதவிய உள்ளூர் சுற்றுலா வழிகாட்டி ஒருவரும் வனஜீவராசிகள் பாதுகாப்புத் திணைக்கள அதிகாரிகளால் கைது செய்யப்பட்டுள்ளனர்.

சுற்றுச்சூழலில் உள்ள ஊர்வன மற்றும் பூச்சிகளைப் பிடித்துச் சேகரிப்பதாகக் கிடைத்த இரகசியத் தகவலின் அடிப்படையில், 2ஆம் திகதி வனஜீவராசிகள் பாதுகாப்புத் திணைக்கள அதிகாரிகள் இரவில் சுற்றுலாப்பயணிகளைப் போல மாறுவேடமிட்டுச் சோதனைகளை முன்னெடுத்தனர்.

சோதனையின்போது அடையாளம் காணப்பட்ட ஜெர்மன் நாட்டவர்கள் இருவர் மற்றும் உள்ளூர் சுற்றுலா வழிகாட்டி தங்கியிருந்த யால நம்பா  முகாமின் அறைகளை அதிகாரிகள் பரிசோதித்தனர். ஆரம்பத்தில் அங்கு சட்டவிரோத பொருட்கள் எதுவும் கண்டெடுக்கப்படவில்லை.

இருப்பினும், உள்ளூர் சுற்றுலா வழிகாட்டி வேறொரு அறையைத் தனது அறை எனக் கூறி அதிகாரிகளைத் திசைதிருப்ப முயன்றதால் ஏற்பட்ட சந்தேகத்தின் பேரில், அவரது உண்மையான அறை தீவிர சோதனைக்கு உட்படுத்தப்பட்டது.

இச்சோதனையின்போது மலைப்பாம்புகள், ஊர்வன, விசேட வகை அந்துப்பூச்சிகள் மற்றும் தும்பிகள், முள்ளம்பன்றியின் முட்கள், மான்களின் எலும்புகள், கால்நடைகளின் பற்கள் மற்றும் மயில் இறகுகள் உள்ளிட்ட பெருமளவிலான உயிருள்ள விலங்கு மாதிரிகள் மற்றும் பாகங்கள் கைப்பற்றப்பட்டன.

அத்துடன் பாம்புகள் உள்ளிட்ட விலங்குகளைப் பிடிப்பதற்குப் பயன்படுத்தப்படும் உபகரணங்கள், மாதிரிப் பொருட்களைப் பாதுகாத்துப் பேணுவதற்கான கொள்கலன்கள் மற்றும் பல்வேறு இரசாயனப் பொருட்கள் அடங்கிய போத்தல்களும் பறிமுதல் செய்யப்பட்டன.

கைப்பற்றப்பட்ட பொருட்களுடன் சந்தேக நபர்கள் மூவரும் 3ஆம் திகதி திஸ்ஸமஹாராம நீதவான் நீதிமன்றத்தில் முன்னிலைப்படுத்தப்பட்டனர். 

மீட்கப்பட்ட உயிருள்ள விலங்குகளை தெஹிவளை உயிரியல் பூங்காவில் ஒப்படைக்குமாறு உத்தரவிட்ட நீதவான், வழக்கு விசாரணையை 6ஆம் திகதி வரை ஒத்திவைத்தார்.

இலங்கையின் உயிரியல் மற்றும் மரபியல் வளங்களைக் கொள்ளையிடும் நோக்கில் இதற்கு முன்னரும் வெளிநாட்டவர்கள் இதுபோன்று சட்டவிரோதமாக வனவிலங்கு மாதிரிகளைச் சேகரித்து கைதாகியுள்ளதாக வனஜீவராசிகள் பாதுகாப்புத் திணைக்கள அதிகாரிகள் கவலை வெளியிட்டுள்ளனர்.

உடவளவை தேசிய பூங்காவின் பனஹடுவ வனஜீவராசிகள் வரம்பு அலுவலக உத்தியோகத்தர்களால் இந்த விசேட மீட்பு நடவடிக்கை முன்னெடுக்கப்பட்டுள்ளது. 

முக்கிய செய்திகள்

icon-left
icon-right

தொடர்பான செய்திகள்

news-image

2026 இறுதி காலாண்டில் மின் கட்டணத்தில்...

2026-11-11 17:41:14
news-image

பயங்கரவாதத் தடுப்புச் சட்டம் நிச்சயம் இரத்துச்...

2026-11-11 22:41:08
news-image

காட்டுமிராண்டித்தனமான சட்டங்கள் இயற்றப்படுவதை நாம் ஏற்பதில்லை...

2026-11-11 22:31:13
news-image

மக்களுக்கு நிவாரணம் வழங்கி பொருளாதாரத்தை ஸ்திரப்படுத்தி...

2026-11-11 17:27:27
news-image

2027ஆம் ஆண்டு யாழ்ப்பாணத்தில் அறிமுகமாகும் மெட்ரோ...

2026-11-11 17:23:45
news-image

மக்களுக்கு நிவாரணம் வழங்க வரவு -...

2026-11-11 18:21:49
news-image

சவூதி நீதிமன்ற வழக்கிலிருந்து அனோஜன் சிவராசா...

2026-11-11 21:12:02
news-image

சஜித் பிரேமதாச விநியோகித்த பேருந்துகளுக்கு முறையாகச்...

2026-11-11 13:22:17
news-image

பொருளாதாரத் தோல்விகளை மூடிமறைக்க எதிர்க்கட்சிகளை முடக்கும்...

2026-11-11 17:51:02
news-image

2027 வரவு செலவுத் திட்டத்தை நலன்புரி...

2026-11-11 20:54:31
news-image

விசுவமடு மகாவித்தியால மைதானத்திற்கான சுற்றுவேலியை அமைத்துக்கொடுத்த...

2026-11-11 20:50:59
news-image

மலையக மக்களின் காணி, வீடமைப்பு உரிமைகளுக்காக ...

2026-11-11 18:22:24