அமெரிக்காவின் வடமேற்குப் பகுதியில் அமைந்துள்ள ஒரிகான் மாநிலத்தில் உள்ள ஆரம்பப் பாடசாலை ஒன்றில் நேற்று வியாழக்கிழமை (15) இடம்பெற்ற துப்பாக்கிச் சூட்டில் மூன்று சிறுவர்களும் ஓர் ஆசிரியரும் உயிரிழந்துள்ளனர்.
தாக்குதலில் ஈடுபட்ட 16 வயது இளைஞன், ஆயுதம் ஏந்திய உள்ளூர்வாசி ஒருவரால் சுட்டுக் கொல்லப்பட்டதாக அந்நாட்டு பொலிஸார் தெரிவித்துள்ளனர்.
ஒரிகான் மாநிலத்தின் பெண்ட் நகரில் அமைந்துள்ள ஆரம்பப் பாடசாலையிலேயே இந்தத் துப்பாக்கிச் சூட்டுச் சம்பவம் இடம்பெற்றுள்ளது.
சம்பவத்தில் 05, 08 மற்றும் 11 வயதுகளுடைய மூன்று சிறுவர்களும், 54 வயதுடைய ஆசிரியர் ஒருவரும் உயிரிழந்துள்ளார். அதேவேளை, காயமடைந்த 07 வயது சிறுவனும் மற்றுமொரு ஆசிரியரும் வைத்தியசாலையில் தீவிர சிகிச்சைப் பிரிவில் அனுமதிக்கப்பட்டுள்ளதாக தெரிவிக்கப்பட்டுள்ளது.
பாடசாலைக்குள் நுழைந்த துப்பாக்கிதாரி, பூட்டப்பட்டிருந்த கதவுகளைச் சுட்டு உடைத்து உள்ளே நுழைந்து தாக்குதலை நடத்தியதாக விசாரணைகளில் தெரியவந்துள்ளது.
இதன்போது, அவரைப் பின்தொடர்ந்து சென்று ஆயுதம் ஏந்திய உள்ளூர்வாசி ஒருவர் துப்பாக்கிதாரியைச் சுட்டுக் கொன்றதாகவும், இதன் மூலம் மேலும் பலர் உயிர் தப்பியதாகவும் பொலிஸார் தெரிவித்துள்ளனர்.
பொலிஸார் சம்பவ இடத்துக்கு விரைந்து சென்றபோது, சந்தேகநபர் உயிரிழந்த நிலையில் காணப்பட்டுள்ளார்.
சுமார் 400 முதல் 450 மாணவர்கள் கல்வி பயிலும் இந்தப் பாடசாலையில் சம்பவம் இடம்பெற்றதைத் தொடர்ந்து, மாணவர்கள் பேருந்துகள் மூலம் பாதுகாப்பான இடத்துக்கு அழைத்துச் செல்லப்பட்டு பெற்றோரிடம் ஒப்படைக்கப்பட்டுள்ளனர்.
இதனையடுத்து, மாவட்டத்தின் அனைத்து பாடசாலைகளிலும் வெள்ளிக்கிழமை நடைபெறவிருந்த வகுப்புகள் மற்றும் விளையாட்டு நிகழ்வுகள் இரத்து செய்யப்பட்டுள்ளன.
இந்தச் சம்பவம் அமெரிக்காவில் துப்பாக்கிகள் எளிதில் கிடைப்பது மற்றும் தொடர்ச்சியாக இடம்பெறும் துப்பாக்கிச் சூட்டுச் சம்பவங்கள் தொடர்பில் மீண்டும் கடுமையான விவாதங்களை ஏற்படுத்தியுள்ளது.
இந்த ஆண்டில் மாத்திரம் அமெரிக்காவில் 360க்கும் மேற்பட்ட வெகுஜனத் துப்பாக்கிச் சூட்டுச் சம்பவங்கள் பதிவாகியுள்ளதாகத் தெரிவிக்கப்படுகிறது.


















கருத்து
-
-
-
-
-
மேலும் வாசிக்கதேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM