குசல் மெண்டிஸ் துடுப்பாட்டத்தில் அபராம்; இலங்கைக்கு ஆறுதல் வெற்றி

Published By: Vishnu

13 Oct, 2026 | 11:00 PM
image

(நெவில் அன்தனி)

பாகிஸ்தானுக்கு எதிராக ராவல்பிண்டியில் செவ்வாய்க்கிழமை (13) நடைபெற்ற மூன்றவாதும் கடைசியுமான சர்வதேச ரி20 கிரிக்கெட் போட்டியில் இலங்கை 8 விக்கெட்களால் மகத்தான வெற்றியை ஈட்டி ஆறுதல் அடைந்தது.

எனினும் முதல் இரண்டு போட்டிகளில் வெற்றியீட்டிய பாகிஸ்தான் 3 போட்டிகள் கொண்ட சர்வதேச ரி20 கிரிக்கெட் தொடரை 2 - 1 என்ற ஆட்டங்கள் வித்தியாசத்தில் கைப்பற்றியது.

பாகிஸ்தானினால் நிர்ணயிக்கப்பட்ட 169 ஓட்டங்களை வெற்றி இலக்காகக் கொண்டு பதிலுக்கு துடுப்பெடுத்தாடிய இலங்கை 17.1 ஓவர்களில் 2 விக்கெட்களை மாத்திரம் இழந்து 172 ஓட்டங்களைப் பெற்று வெற்றியீட்டியது.

ஆரம்ப வீரர் லஹிரு உதார (1) இரண்டாவது ஓவரில் ஆட்டம் இழந்தார். (15 - 1 விக்.)

எனினும், சினேத் ஜயவர்தன (38), அணித் தலைவர் குசல் மெண்டிஸ் ஆகிய இருவரும் 2ஆவது விக்கெட்டில் 59 ஓட்டங்களைப் பகிர்ந்து ஆரம்ப வீழ்ச்சியை சீர் செய்தனர்.

தொடர்ந்து குசல் மெண்டிஸ், கமிந்து மெண்டிஸ் ஆகிய இருவரும் பிரிக்கப்படாத 3ஆவது விக்கெட்டில் 98 ஓட்டங்களைப் பகிர்ந்து இலங்கையின் வெற்றியை உறுதிசெய்தனர்.

குசல் மெண்டிஸ் 48 பந்துகளில் 9 பவுண்டறிகள், 4 சிக்ஸ்கள் அடங்கலாக 87 ஓட்டங்களுடனும் கமிந்து மெண்டிஸ் 27 பந்துகளில் 40 ஓட்டங்களுடனும் ஆட்டம் இழக்காதிருந்தனர்.

பந்துவீச்சில் அரபாத் மின்ஹாஸ் 26 ஓட்டங்களுக்கு ஒரு விக்கெட்டையும் மொஹமத்  இம்ரான் 31 ஓட்டங்களுக்கு ஒரு விக்கெட்டையும் கைப்பற்றினர்.

இப் போட்டியில் முதலில் துடுப்பெடுத்தாட அழைக்கப்பட்ட பாகிஸ்தான் 20 ஓவர்களில் 8 விக்கெட்களை இழந்து 168 ஓட்டங்களைப் பெற்றது.

அணித் தலைவர் சஹிப்ஸதா பர்ஹான் 75 ஓட்டங்களைக் குவித்தார். 

அவர் இந்தத் தொடரில் குவித்த மூன்றாவது தொடர்ச்சியான அரைச் சதம் இதுவாகும்.

அவரை விட மத்திய வரிசையில் அரபாத் மின்ஹாஸ் 34 ஓட்டங்களுடன் ஆட்டம் இழக்காதிருந்தார்.

சஹிப்ஸதா பர்ஹானும் அரபாத் மின்ஹாஸும் 7ஆவது விக்கெட்டில் பகிர்ந்த 66 ஓட்டங்கள் பாகிஸ்தானை கௌரவமான நிலையில் இட்டது.

பந்துவீச்சில் தசுன் ஷானக்க 21 ஓட்டங்களுக்கு 3 விக்கெட்களையும் நுவன் துஷார, ஏஷான் ஆகிய இருவரும் தலா 38 ஓட்டங்களுக்கு  தலா 2 விக்கெட்களையும் விஜயகாந்த் வியாஸ்காந்த் 23 ஓட்டங்களுக்கு ஒரு விக்கெட்டையும் கைப்பற்றினர்.

ஆட்டநாயகன்: குசல் மெண்டிஸ்

முக்கிய செய்திகள்

icon-left
icon-right

தொடர்பான செய்திகள்

news-image

இந்தியா - பூட்டான், பங்களாதேஷ் -...

2026-11-14 11:47:31
news-image

இந்தியாவை துவம்சம் செய்து  இரண்டாவது   மிகப்...

2026-11-14 06:39:43
news-image

மகளிர் முன்னேறிவரும் நாடுகள் கிரிக்கெட: ஸ்கொட்லாந்தை...

2026-11-14 04:23:55
news-image

இலங்கையின் அச்சுறுத்தலுக்கு மத்தியில் டெஸ்ட் போட்டியை...

2026-11-14 04:20:49
news-image

பாகிஸ்தானின் சக்கிப் 7 விக்கெட் குவியல்,...

2026-11-12 16:45:31
news-image

பாகிஸ்தானுக்கு எதிரான  முதலாவது   டெஸ்ட் போட்டியில்...

2026-11-12 04:30:02
news-image

இங்கிலாந்திலிருந்து அழைக்கப்பட்ட ஹம்சா, பர்ஹான் ஆகியோர்...

2026-11-12 04:17:39
news-image

தேசிய கூடைப்பந்தாட்டப் போட்டியில் வெற்றி ;...

2026-11-11 16:08:40
news-image

நாங்கள் விளையாடுவது கால்பந்தாட்டம், கிரிக்கெட் அல்ல,...

2026-11-11 11:37:01
news-image

இந்தியாவில் நடைபெறவுள்ள சர்வதேச கிரிக்கெட் போட்டிகளில்...

2026-11-11 06:24:07
news-image

அறிமுக வீரர்கள் மூவர் குவித்த அரைச்...

2026-11-10 19:32:54
news-image

இளையோர் ஒலிம்பிக் விளையாட்டு விழாவில் இலங்கைக்கான...

2026-11-10 00:21:02