சவூதி அரேபியாவில் உள்ள சிவில் விமான நிலையங்களை இலக்குவைத்து நடத்தப்பட்ட சமீபத்திய தாக்குதல்களுக்கு இலங்கை அரசாங்கம் கண்டனம் தெரிவித்துள்ளதாக வெளிநாட்டு அலுவல்கள், வெளிநாட்டு வேலைவாய்ப்பு மற்றும் சுற்றுலாத்துறை அமைச்சு தெரிவித்துள்ளது.
இத்தாக்குதல்களில் உயிரிழப்புகள் மற்றும் காயங்கள் ஏற்பட்டுள்ளதையடுத்து, உயிரிழந்தவர்களின் குடும்பத்தினருக்கு அமைச்சு தனது ஆழ்ந்த இரங்கலைத் தெரிவித்துக்கொண்டதுடன், காயமடைந்தவர்கள் விரைவில் குணமடையவும் பிரார்த்தித்துள்ளது.
அத்துடன், இலங்கை அரசாங்கம் சவூதி அரேபிய அரசாங்கத்திற்கும் அந்நாட்டு மக்களுக்குமான தனது ஆதரவையும் ஒற்றுமையையும் வெளிப்படுத்தியுள்ளது.
மேலும், பதற்றத்தைத் தணிப்பதற்காக அனைத்துத் தரப்பினரும் அதிகபட்ச சுயக்கட்டுப்பாட்டைப் பேணி, ஆக்கபூர்வமான பேச்சுவார்த்தைகளில் ஈடுபடுமாறு கோரிக்கை விடுத்துள்ளது.
இதேவேளை, அமெரிக்கா - ஈரான் மோதலால் தீவிரமடைந்துள்ள போரின் ஒரு பகுதியாக, யேமனின் ஹவுதி அமைப்பு சவூதி அரேபியா மீதான ஏவுகணைத் தாக்குதல்களைத் தொடர்ந்து வரும் நிலையில், கடந்த வியாழக்கிழமை ரியாத் விமான நிலையத்தின் மீது நடத்தப்பட்ட தாக்குதல்களில் மூவர் உயிரிழந்ததாக சவூதி அதிகாரபூர்வத் தகவல்கள் நேற்று வெள்ளிக்கிழமை (9) தெரிவிக்கப்பட்டன.
பலரைக் காயப்படுத்தியதுடன், 'சவூதியா ஏர்லைன்ஸ்' (Saudia Airlines) விமானம் ஒன்றையும் சேதப்படுத்தி, விமான நிலையப் பகுதியில் புகை மண்டலத்தை உருவாக்கிய இத்தாக்குதல்கள் காரணமாக, உலகளாவிய எண்ணெய்த் துறை தலைவர்களின் முக்கிய கூட்டம் நடைபெற சில நாட்களே இருந்த நிலையில், பல விமான நிறுவனங்கள் சவூதி தலைநகருக்கான தமது விமான சேவைகளை ரத்து செய்தன.
யேமனின் ஹவுதி அமைப்பு, வியாழக்கிழமை (8) இரண்டு பாலிஸ்டிக் ஏவுகணைகள் மூலம் இந்த விமான நிலையத்தைத் தாக்கியதாகத் தெரிவித்துள்ளது.


















கருத்து
-
-
-
-
-
மேலும் வாசிக்கதேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM