தமிழக இடைத்தேர்தலில் ஆளுங்கட்சியான தமிழக வெற்றிக் கழகம் இரண்டு தொகுதிகளிலும் முன்னிலை

09 Oct, 2026 | 01:22 PM
image

தமிழகத்தில் நடைபெற்ற இரண்டு தொகுதிகளுக்கான இடைத்தேர்தல் வாக்குப்பதிவு எண்ணிக்கையில் ஆளுங்கட்சியான தமிழக வெற்றி கழகம் தொடர்ந்து முன்னிலை வகித்து வருகிறது.

கடந்த 6ஆம் திகதி தமிழகத்தில் உள்ள மதுராந்தகம் - தாராபுரம் ஆகிய இரண்டு தொகுதிகளில் இடைத்தேர்தலுக்கான வாக்குப்பதிவு நடைபெற்றது. பதிவான வாக்குகளை எண்ணும் பணி இன்று (9) காலை 8 மணியளவில் தொடங்கியது. முதலில் அஞ்சல் வாக்குகள் எண்ணப்பட்டன. இதனைத் தொடர்ந்து பதிவான வாக்குகள் எண்ணப்பட்டன.

தாராபுரத்தில் வாக்கு எண்ணிக்கை தொடங்கும் தருணத்தில் முன்னிலையில் இருந்த அதிமுக... 8வது சுற்றில் முடிவில் மூன்றாம் இடத்திற்கு தள்ளப்பட்டது. முதலிடத்தில் தமிழக வெற்றி கழகம் 31,327 வாக்குகளை பெற்று முன்னணி வகிக்கிறது. இரண்டாம் இடத்தில் திமுக 25,841 வாக்குகளை பெற்றிருக்கிறது. அதிமுக 24,363 வாக்குகளை பெற்றிருக்கிறது.

மதுராந்தகம் தொகுதியில் நண்பகல் 12 மணி வரை எட்டு சுற்று வாக்குகள் எண்ணப்பட்டன. இதில் விஜய் தலைமையிலான தமிழக வெற்றிக் கழகம் 31,333 வாக்குகளையும், திமுக 20,839 வாக்குகளையும் பெற்றிருக்கிறது. மூன்றாம் இடத்தில் அதிமுக 17,989 வாக்குகளை பெற்றிருக்கிறது.

இரண்டு தொகுதிகளிலும் விஜய் தலைமையிலான தமிழக வெற்றிக் கழகம் முன்னிலை வகிப்பதால் அக்கட்சியின் தொண்டர்கள் உற்சாகமாக நடனமாடி வருகிறார்கள்.

இதனிடையே மதுராந்தகம் தொகுதியில் வாக்கு எண்ணும் மையத்தில் முகவர்களுக்கும், தேர்தல் அலுவலர்களுக்கும் இடையே கடும் வாக்குவாதம் ஏற்பட்டது.

வாக்கு எண்ணும் மேசையில் வைக்கப்பட்டிருந்த கட்டுப்பாட்டு இயந்திரத்தில் கோளாறு ஏற்பட்டதால் வாக்கு எண்ணிக்கையை இடைநிறுத்தம் செய்யவேண்டும் என முகவர்கள் புகார் அளித்தார்கள். இதனால் சிறிது நேரம் பரபரப்பும், சலசலப்பும் ஏற்பட்டது. இதன் காரணமாக மதுராந்தகம் தொகுதியில் வாக்கு எண்ணிக்கை தற்காலிகமாக இடைநிறுத்தம் செய்யப்பட்டிருக்கிறது என்ற தகவல் வெளியானது. அதன் பிறகு கட்டுப்பாட்டுக் கருவியை சீரமைத்த பிறகு, மீண்டும் வாக்கு எண்ணிக்கை தொடங்கியது.

இரண்டு தொகுதிகளிலும் 15 சுற்றுகள் வாக்குகள் எண்ணப்படும் என்று எதிர்பார்க்கப்படும் நிலையில் இத்தொகுதிகளுக்கான முடிவு இன்று மாலை வெளியாகும் என அவதானிக்கப்படுகிறது.

13வது சுற்று வாக்கு எண்ணிக்கைகளின் முடிவின் அடிப்படையில் தாராபுரம் தொகுதியில் தமிழக வெற்றிக் கழகம் 6,420 வாக்குகள் வித்தியாசத்தில் முன்னிலையில் உள்ளது.

எட்டு சுற்று வாக்கு எண்ணிக்கையின் முடிவின்படி 10,494 வாக்குகள் வித்தியாசத்தில் மதுராந்தகம் தொகுதியில் தமிழக வெற்றிக் கழகம் முன்னணியில் உள்ளது.

இந்த இரண்டு தொகுதிகளிலும் போட்டியிட்ட இடதுசாரிகள் மூன்று இலக்க எண்ணிக்கையில் வாக்குகளை பெற்றிருக்கிறார்கள் என்பதும், சீமான் தலைமையிலான நாம் தமிழர் கட்சி நான்கு விளக்கத்தில் வாக்குகளை பெற்றிருக்கிறார்கள் என்பதும் குறிப்பிடத்தக்கது.

மதுராந்தகம்

த வெ க   38,128

தி மு க     25,354

அதிமுக  21,537

நா, த க  1,069

இடதுசாரி  866

தாராபுரம்

த வெ க   41,327

தி மு க   33, 263

அதிமுக 27,561

தா த க     3,361

இடதுசாரி  734

மரகதம் குமாரவேல் (த.வெ.க வேட்பாளர் - மதுராந்தகம் தொகுதி)

சத்தியபாமா (த.வெ.க வேட்பாளர் - தாராபுரம் தொகுதி)  

முக்கிய செய்திகள்

icon-left
icon-right

தொடர்பான செய்திகள்

news-image

ஜப்பானில் சக்திவாய்ந்த பூமியதிர்ச்சி 

2026-11-08 11:51:47
news-image

இஸ்ரேலின் புதிய பிரதமர் யார்? -...

2026-11-08 10:34:39
news-image

இடைத்தேர்தலுக்குப் பின் ஈரான் மீது அமெரிக்கா...

2026-11-07 15:01:16
news-image

மெலனியா ட்ரம்புக்கு உயரிய விருது வழங்கி...

2026-11-07 10:56:17
news-image

2027ஆம் ஆண்டுக்குள் 2 இலட்சம் தற்காலிகக்...

2026-11-07 10:27:51
news-image

குத்துவிளக்கேற்றிய டிரம்ப்! வெள்ளை மாளிகையில் களைகட்டிய...

2026-11-07 10:16:26
news-image

இஸ்ரேலின் புதிய பிரதமர் யார்? ; ...

2026-11-07 10:04:59
news-image

பெரியார் அறிவுலகத்தையே ஊழல் உலகமாக மாற்றிய...

2026-11-06 17:54:18
news-image

வெள்ளை மாளிகையில் தீபாவளி கொண்டாட்டம் –...

2026-11-06 16:05:27
news-image

என்னை பதவி நீக்கம் செய்தால் ஜனநாயகக்...

2026-11-06 12:31:44
news-image

நியூசிலாந்து கடற்கரையில் உயிரிழந்த நிலையில் கரை...

2026-11-06 12:15:09
news-image

இந்தோனேசியாவில் பாதுகாப்பு மற்றும் உயர்மட்டத் தலைவர்களின்...

2026-11-05 11:55:35