இலங்கை டெஸ்ட் கிரிக்கெட் அணியின் அணித்தலைவர் தனஞ்சய டி சில்வா, அணித்தலைவர் பதவியிலிருந்து உடனடியாக விலகுவதாக அறிவித்துள்ளார்.
இது தொடர்பான தனது முடிவை இலங்கை கிரிக்கெட் (SLC) தேசிய தெரிவுக்குழுவுக்கு எழுதிய கடிதம் மூலம் தனஞ்சய டி சில்வா தெரிவித்துள்ளார்.
டெஸ்ட் அணியின் தலைமைத்துவப் பொறுப்பை அடுத்த தலைமுறையிடம் ஒப்படைக்க வேண்டிய நேரம் வந்துவிட்டதாக தாம் கருதுவதாக அவர் குறிப்பிட்டுள்ளார்.
“தலைமைத்துவப் பொறுப்பு அடுத்த தலைமுறைக்குச் செல்ல வேண்டும் என்பதே எனது உண்மையான கருத்தாகும்” என தனஞ்சய டி சில்வா தெரிவித்துள்ளார்.
எனினும், அணித்தலைவர் பதவியிலிருந்து விலகியுள்ள போதிலும், இலங்கை அணிக்காக வீரராக தொடர்ந்து விளையாடுவதற்கு தாம் தயாராக இருப்பதாக அவர் உறுதிப்படுத்தியுள்ளார்.
தனஞ்சய டி சில்வாவின் தலைமைத்துவத்துக்கு நன்றி தெரிவித்துள்ள இலங்கை கிரிக்கெட் நிறுவனம், அவரது சர்வதேச கிரிக்கெட் வாழ்க்கையின் எஞ்சிய காலத்திற்கும் வாழ்த்துகளைத் தெரிவித்துள்ளது.
இலங்கை கிரிக்கெட் நிறுவனத்தின் பிரதம நிறைவேற்று அதிகாரி ஆஷ்லி டி சில்வா, “அவரது சர்வதேச கிரிக்கெட் வாழ்க்கையின் எஞ்சிய காலத்துக்கு இலங்கை கிரிக்கெட் தனது வாழ்த்துகளைத் தெரிவித்துக்கொள்வதுடன், டெஸ்ட் அணிக்கு அவர் வழங்கிய தலைமைத்துவத்திற்கும் நன்றி தெரிவிக்கிறது” எனக் குறிப்பிட்டுள்ளார்.
இதேவேளை, இலங்கை டெஸ்ட் அணியின் அடுத்த அணித்தலைவர் யார் என்பது தொடர்பில் இலங்கை கிரிக்கெட் இதுவரை உத்தியோகபூர்வ அறிவிப்பை வெளியிடவில்லை.


















கருத்து
-
-
-
-
-
மேலும் வாசிக்கதேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM