அமெரிக்க ஜனாதிபதி தேர்தலில் போட்டியிடுவதற்கான ஜனநாயகக் கட்சி மற்றும் குடியரசுக் கட்சியின் வேட்பாளர்களைத் தெரிவு செய்வதற்கான ஆரம்ப கட்ட வாக்கெடுப்பு அயோவா மாநிலத்தில் இன்று திங்கட்கிழமை ஆரம்பமாகிறது.
இந்நிலையில் அமெரிக்க நியூயோர்க் டைம்ஸ் ஊடகமானது ஜனநாயகக் கட்சியின் வேட்பாளரான ஹிலாரி கிளின்டனுக்கும் குடியரசுக் கட்சியைச் சேர்ந்த வேட்பாளர் ஜோன் கஸிச்சிற்கும் தனது ஏற்பாதரவை வழங்கியுள்ளது.
நவீன வரலாற்றில் மிகவும் பரந்தளவான தகுதியைக் கொண்ட வேட்பாளர்களில் ஒருவராக ஹிலாரி கிளின்டன் உள்ளதாக அந்தப் பத்திரிகை குறிப்பிட்டுள்ளது.
அத்துடன் குடியரசுக் கட்சியைச் சேர்ந்த ஜோன் கஸிச்சும் அந்தக் கட்சிக்கான ஒரே தெரிவாக உள்ளதாக அந்த பத்திரிகை தெரிவித்துள்ளது.
நியூயோர்க் டைம்ஸ் ஹிலாரி கிளின்டனுக்கு ஏற்கனவே 2008 ஆம் ஆண்டு ஜனாதிபதி தேர்தலுக்கான வேட்பாளர்களை தெரிவு செய்வதற்கான வாக்கெடுப்பின் போதும் ஏற்பாதரவை வழங்கியிருந்தது.
அந்த வாக்கெடுப்பில் ஹிலாரி, பராக் ஒபாமாவிடம் தோல்வி கண்டு ஜனாதிபதி தேர்தலில் போட்டியிட முடியாத நிலைக்கு உள்ளானார்.
அதேசமயம் ஹிலாரி கிளின்டனின் கட்சியைச் சேர்ந்த அவரது பிரதான போட்டியாளரான பெர்னி சான்டர்ஸுக்கும் பாராட்டுகளைத் தெரிவித்துள்ள அந்தப் பத்திரிகை, அவருக்கு ஹிலாரியுடன் ஒப்பிடுகையில் அனுபவம் குறைவாகவுள்ளதாக குறிப்பிட்டுள்ளது.
மேலும் குடியரசுக் கட்சியின் சர்ச்சைக்குரிய வேட்பாளரான டொனால்ட் டிரம்பிற்கு அரசியல் அனுபவமோ அல்லது தேசிய பாதுகாப்பு மற்றும் உலக வர்த்தகம் என்பன தொடர்பில் அறிந்து கொள்ளும் ஆர்வமோ கிடையாது என அந்தப் பத்திரிகை குற்றஞ்சாட்டியுள்ளது.
இந்நிலையில் ஜோன் கஸிச், நியூயோர்க் டைம்ஸ் ஊடகத்தின் ஆதரவு தனக்குக் கிடைக்கப் பெற்றுள்ளதையிட்டு பெருமையடைவதாகத் தெரிவித்துள்ளார்.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM