தவறவிடாதீர்கள்..!உடனே பதிவு செய்யுங்கள்

மீகொடை பொலிஸ் பிரிவிற்குட்பட்ட லெனகல பகுதியில் ஹோமாகம கோட்ட குற்றப் புலனாய்வுப் பணியக அதிகாரிகளால் மேற்கொள்ளப்பட்ட சுற்றிவளைப்பில், 4,720 போதை மாத்திரைகளுடன் சந்தேகநபர்கள் மூவர் கைது செய்யப்பட்டுள்ளனர்.

ஹோமாகம கோட்ட குற்றப் புலனாய்வுப் பணியக அதிகாரிகளுக்குக் கிடைத்த இரகசியத் தகவலுக்கு அமைய, நேற்று சனிக்கிழமை (03) நண்பகல் வேளையில் இச்சோதனை நடவடிக்கை முன்னெடுக்கப்பட்டது.

இதன்போது போதை மாத்திரைகளுடன் கைது செய்யப்பட்ட மூன்று சந்தேகநபர்களும் மேலதிக சட்ட நடவடிக்கைகளுக்காக மீகொட பொலிஸ் நிலையத்தில் ஒப்படைக்கப்பட்டுள்ளனர்.

கைது செய்யப்பட்டவர்கள் 25, 29 மற்றும் 32 வயதுடைய தடிகமுவ மற்றும் கொதட்டுவ பகுதிகளைச் சேர்ந்தவர்களாவர்.

மேலும், இச்சம்பவம் தொடர்பில் மீகொட பொலிஸார் மேலதிக விசாரணைகளில் ஈடுபட்டு வருகின்றனர்.