தவறவிடாதீர்கள்..!உடனே பதிவு செய்யுங்கள்

மத்திய ஆபிரிக்க நாடான கொங்கோ குடியரசில் பரவி வரும் எபோலா தொற்றினால் உயிரிழந்தவர்களின் எண்ணிக்கை 4,000-ஐ கடந்துள்ளதாக சர்வதேச ஊடகங்கள் செய்தி வெளியிட்டுள்ளன.

கொங்கோ அரசாங்கத்தின் அண்மைய புள்ளிவிவரங்களின்படி, இதுவரை 8,300 பேருக்கு தொற்று உறுதிப்படுத்தப்பட்டுள்ள நிலையில், 4,018 பேர் உயிரிழந்துள்ளனர்.

இதன்படி, தொற்றுக்குள்ளானவர்களில் கிட்டத்தட்ட அரைவாசிப் பேர் உயிரிழந்துள்ளதுடன், வரலாற்றில் மிக வேகமாகப் பரவி வரும் எபோலா தொற்றுகளில் ஒன்றாக இது உருவெடுத்துள்ளதாக தெரிவிக்கப்பட்டுள்ளது.

கடந்த மே மாதம் முதல் கொங்கோவில் பரவி வரும் இந்தத் தொற்று, அரிதான ‘புண்டிபுக்யோ’ (Bundibugyo) வகை எபோலா வைரஸால் ஏற்படுவதாக தெரிவிக்கப்பட்டுள்ளது.

குறித்த புண்டிபுக்யோ வகை எபோலா வைரஸுக்கு இதுவரை அங்கீகரிக்கப்பட்ட சிகிச்சையோ அல்லது தடுப்பூசியோ இல்லை என்பது குறிப்பிடத்தக்கது.