தவறவிடாதீர்கள்..!உடனே பதிவு செய்யுங்கள்

எக்ஸ்பிரஸ் நியூஸ்பேப்பர்ஸ் சிலோன் லிமிடெட் (ENCL) மற்றும் ஏசியன் மீடியா பப்ளிகேஷன்ஸ் பிரைவேட் லிமிடெட் (AMPL) நிறுவன ஊழியர்களின் உடல் மற்றும் உள நலனை மேம்படுத்தும் நோக்கில், வீரகேசரி ஊழியர் நலன்புரிச் சங்கத்தினால் (VSWA) ஏற்பாடு செய்யப்பட்ட யோகா பயிற்சி வகுப்பு இன்று (02) வெள்ளிக்கிழமை கிராண்ட்பாஸ் அலுவலக வளாகத்தில் நடைபெற்றது.

ஊழியர்களிடையே ஆரோக்கியமான வாழ்வியல் முறைகளை ஊக்குவிக்கவும், பணிச்சூழலில் ஏற்படும் மன அழுத்தத்தைக் குறைக்கவும் நலன்புரிச் சங்கம் எடுத்துள்ள தொடர் நடவடிக்கைகளின் ஓர் அங்கமாக இந்நிகழ்வு அமைந்தது.

ரித்மிக் யோகா அகடமி (Rhythmic Yoga Academy) நிறுவனத்தின் பணிப்பாளரும் அனுபவமிக்க யோகா பயிற்றுவிப்பாளருமான டோனிஷா மயிலேந்திரன் வளவாளராக கலந்து கொண்டு, ஊழியர்களுக்கான விசேட யோகாசனப் பயிற்சிகள் மற்றும் சுவாசப் பயிற்சிகளை வழங்கினார்.

இந்தப் பயிற்சி வகுப்பில் உடல் தகுதி, மன அமைதி மற்றும் கவனக் குவிப்பை மேம்படுத்தும் எளிமையான பயிற்சிகள் கற்றுக் கொடுக்கப்பட்டன.

இதில் இரு நிறுவனங்களிலும் பணியாற்றும் ஊழியர்கள் பலரையும் ஆர்வத்துடன் கலந்து கொண்டு பயன்பெற்றனர்.