தவறவிடாதீர்கள்..!உடனே பதிவு செய்யுங்கள்

உலக சுற்றுலா தினத்தை முன்னிட்டு வடக்கு மாகாண சுற்றுலா பணியகம், மன்னார் மாவட்டச் செயலகம் மற்றும் வடக்கு மாகாண தொழில்துறை மன்றம் ஆகியன இணைந்து தயாரித்த 3 நாட்கள் கொண்ட உலக சுற்றுலா தின உணவுத் திருவிழாவின் இறுதி நாள் நிகழ்வுகள் நேற்று ஞாயிற்றுக்கிழமை (27) மாலை மன்னார் உப்புக்குளம் அல்பத்தா விளையாட்டு மைதானத்தில் மிக விமர்சையாக நடைபெற்றன.

வடமாகாண சுற்றுலா பணியகத்தின் தலைவர் கலாநிதி ஜெகநாதன் விவேகானந்தன் தலைமையில் நடைபெற்ற இந்நிகழ்வில், கடற்றொழில் அமைச்சர் சந்திரசேகரன் பிரதம விருந்தினராகக் கலந்து சிறப்பித்தார்.

மேலும் சிறப்பு விருந்தினர்களாக பாராளுமன்ற உறுப்பினர் எம்.ஜெகதீஸ்வரன், மன்னார் மாவட்ட அரசாங்க அதிபர் க.கனகேஸ்வரன், பல்வேறு திணைக்களங்களின் தலைவர்கள், உள்ளூராட்சி மன்றங்களின் தவிசாளர்கள் மற்றும் பொலிஸ் உயர் அதிகாரிகள் உள்ளிட்டப் பல முக்கியப் பிரமுகர்கள் பங்கேற்றனர்.

மூன்று நாட்களாகத் தொடர்ச்சியாக நடைபெற்ற இவ்விழாவின் இறுதி நாளில், பல ஆயிரக்கணக்கான பொதுமக்கள் கலந்துகொண்டு நிகழ்வுகளைக் கண்டு களித்தனர். இதன் போது பல்வேறு கலை, பண்பாட்டு மற்றும் சுவாரசியமான நிகழ்ச்சிகள் அரங்கேற்றப்பட்டதோடு, வடமாகாண சுற்றுலா பணியகத்தின் புதிய இணையதளமும் வைபவ ரீதியாக அங்குரார்ப்பணம் செய்து வைக்கப்பட்டது.