தவறவிடாதீர்கள்..!உடனே பதிவு செய்யுங்கள்

சர்ச்சைக்குரிய 'எயார்பஸ்' விமானக் கொள்முதல் தொடர்பான நிதி மோசடி வழக்கில் சந்தேகநபராகப் பெயரிடப்பட்டுள்ள ஸ்ரீலங்கா பொதுஜன பெரமுனவின் பாராளுமன்ற உறுப்பினர் நாமல் ராஜபக்‌ஷ, சிறைச்சாலை அதிகாரிகளால் கொழும்பு கோட்டை நீதவான் நீதிமன்றத்திற்கு அழைத்து வரப்பட்டுள்ளார்.

நீதிமன்றத்தினால் பிறப்பிக்கப்பட்ட முந்தைய உத்தரவிற்கு அமையவே, சிறைச்சாலை அதிகாரிகள் அவரை நீதிமன்றத்தில் முன்னிலைப்படுத்தப்படுத்தியுள்ளனர்.

கோட்டை நீதவான் பசான் அமரசேன முன்னிலையில் இந்த வழக்கு இன்று (16) புதன்கிழமை விசாரணைக்கு எடுத்துக்கொள்ளப்படவுள்ளது.

ஸ்ரீலங்கன் ஏர்லைன்ஸ் நிறுவனத்திற்கு எயார்பஸ் விமானங்களைக் கொள்முதல் செய்ததில் பல மில்லியன் டொலர் இலஞ்சம் மற்றும் நிதி மோசடிகள் இடம்பெற்றதாகக் கூறப்படும் வழக்கு தொடர்பாகவே இந்த விசாரணை இடம்பெற்று வருகிறது.