தவறவிடாதீர்கள்..!உடனே பதிவு செய்யுங்கள்

கொழும்பு விவேகானந்தா கல்லூரியின் பழைய மாணவர் சங்கத்திற்கான புதிய அலுவலகக் கட்டிடம்,  நேற்று திங்கட்கிழமை (14)  காலை கல்லூரி வளாகத்தில் அங்குரார்ப்பணம் செய்து வைக்கப்பட்டது.

இக்கட்டிடத்திற்கான அடிக்கல், 2021 ஆம் ஆண்டு டிசம்பர் மாதம் 15 ஆம் திகதி அன்றைய பழைய மாணவர் சங்க நிர்வாகக் குழுவினரால் நாட்டப்பட்டது.

புதிய கட்டிடத்தின் அங்குரார்ப்பண நிகழ்வில் கல்லூரி அதிபர் மு. வேந்தன், பழைய மாணவர் சங்கத் தலைவர் எஸ். மீனாட்சி சுந்தரம் உள்ளிட்ட பழைய மாணவர்கள், ஆசிரியர்கள், பாடசாலை அபிவிருத்திச் சங்க உறுப்பினர்கள், நலன்விரும்பிகள் உள்ளிட்ட ஏராளமானோர் கலந்து சிறப்பித்தனர்.

இரண்டு மாடிகளைக் கொண்ட இக்கட்டிடத்தில் எதிர்வரும் காலங்களில் பழைய மாணவர் சங்கத்தின் பல்வேறு செயற்பாடுகள் முன்னெடுக்கப்படவுள்ளன.

பழைய மாணவர் சங்கத்தின் 36ஆவது ஆண்டு நிறைவை முன்னிட்டே இந்நிகழ்வு ஏற்பாடு செய்யப்பட்டிருந்தது. அத்துடன், இவ்வருடம் மார்ச் மாதம் 24ஆம் திகதி கொழும்பு விவேகானந்தா கல்லூரி தனது நூற்றாண்டு விழாவை வெகு விமரிசையாகக் கொண்டாடியிருந்தமையும் குறிப்பிடத்தக்கது.