தவறவிடாதீர்கள்..!உடனே பதிவு செய்யுங்கள்

தமிழ் சினிமாவின் பிரபல நடிகையான அபர்னதி அழுத்தமான வேடத்தில் நடித்திருக்கும் 'தி கிராண்ட் மாஸ்டர் ' திரைப்படத்தின் ஃபர்ஸ்ட் லுக் வெளியிடப்பட்டுள்ளது.

இயக்குநர் வெற்றி செழியன் இயக்கத்தில் உருவாகியுள்ள ' தி கிராண்ட் மாஸ்டர் ' திரைப்படத்தில் லிங்கேஷ், அபர்னதி , சுரேஷ் மேனன், அஸ்வின், தமிழரசி, அன்பு, மனோ, விசித்திரன் உள்ளிட்ட பலர் நடித்திருக்கிறார்கள்.

அர்ஜுன் ரவி மற்றும் ஆர் எஸ் ஞானசேகர் ஆகியோர் இணைந்து ஒளிப்பதிவு செய்திருக்கும் இந்த திரைப்படத்திற்கு தினேஷ் அண்டனி இசையமைத்திருக்கிறார். சதுரங்க விளையாட்டு வீரரை பற்றிய படைப்பாக தயாராகி இருக்கும் இந்த திரைப்படத்தை வி எஸ் ஃபிலிம் பிரைவேட் லிமிடெட் நிறுவனம் சார்பில் தயாரிப்பாளர் எஸ். வேலாயுதம் தயாரித்திருக்கிறார்.

இப்படத்தின் தொழில்நுட்ப பணிகள் விறுவிறுப்பாக நடைபெற்று இறுதி கட்டத்தை எட்டி இருக்கும் நிலையில் இதன் ஃபர்ஸ்ட் லுக் வெளியிடப்பட்டுள்ளது.

இதில் சதுரங்க விளையாட்டில் சாதனை படைக்க விரும்பும் சிறாரின் கனவுகளும்... அதற்கு அவர்களுடைய விளிம்பு நிலை பெற்றோர்களின் ஆதரவும்... காட்சிகளாக இடம்பகடித்திருப்பதால்... இந்த படைப்பு சதுரங்க விளையாட்டின் நடைபெறும் அரசியலை உணர்வுபூர்வமாக விவரிக்கும் என்ற எதிர்பார்ப்பு ஏற்பட்டிருக்கிறது.