தவறவிடாதீர்கள்..!உடனே பதிவு செய்யுங்கள்

இலங்கையர்களுக்கு தாய்லாந்தில் வேலைவாய்ப்புகளை பெற்றுக்கொடுக்கும் நோக்கில் இலங்கை மற்றும் தாய்லாந்து அரசாங்கங்களுக்கு இடையே இரண்டு முக்கிய தொழிலாளர் ஒப்பந்தங்கள் கையெழுத்திடப்பட்டுள்ளன.

இந்த ஒப்பந்தங்களின் கீழ் முதற்கட்டமாக 10,000 இலங்கைத் தொழிலாளர்களை தாய்லாந்தில் பணியமர்த்துவதற்கு இரு நாடுகளும் இணக்கம் தெரிவித்துள்ளன.

தாய்லாந்தின் தலைநகர் பாங்கொக்கில் நடைபெற்ற நிகழ்வில், இலங்கையின் வெளிவிவகார அமைச்சர் விஜித ஹேரத் மற்றும் தாய்லாந்தின் தொழில் அமைச்சர் ஜூலபன் அமோர்ன்விவாட் ஆகியோர் குறித்த ஒப்பந்தங்களில் கையெழுத்திட்டனர்.

ஒப்பந்தங்களின் மூலம் இலங்கையர்களுக்கான வேலைவாய்ப்பு நடைமுறைகள், சட்டபூர்வ பாதுகாப்பு மற்றும் தொழிலாளர் நலன்புரி நடவடிக்கைகள் தொடர்பில் முறையான ஏற்பாடுகள் மேற்கொள்ளப்பட்டுள்ளன.

மேலும், தாய்லாந்தில் வேலைவாய்ப்பைப் பெறும் இலங்கைத் தொழிலாளர்கள் விசா மற்றும் வேலை அனுமதிகளை சட்டபூர்வமாகப் பெற்றுக்கொள்வதற்கான முறையான வழிமுறைகளும் வகுக்கப்பட்டுள்ளன.

இந்த ஒப்பந்தங்கள் மூலம் இலங்கைத் தொழிலாளர்களுக்கு பாதுகாப்பான மற்றும் ஒழுங்குபடுத்தப்பட்ட முறையில் தாய்லாந்தில் வேலைவாய்ப்புகளை பெற்றுக்கொடுப்பதற்கான வாய்ப்பு உருவாகியுள்ளது.