தவறவிடாதீர்கள்..!உடனே பதிவு செய்யுங்கள்

அஹுங்கல்ல பகுதியில் துப்பாக்கிச் சூடு இடம்பெற்றதாகப் பரவி வரும் தகவல் பொய்யானது என பொலிஸ் ஊடகப் பிரிவு தெரிவித்துள்ளது.

எனினும், அஹுங்கல்ல வெலிகந்த பகுதியில் உள்ள வீடொன்றுக்கு வந்த நபர், அங்கிருந்த பெண்ணை துப்பாக்கியால் சுட முயன்ற சம்பவம் இடம்பெற்றுள்ளதாகத் தெரிவிக்கப்படுகிறது.

கதவைத் திறந்த பெண்ணை குறித்த நபர் சுட முயன்றபோதும் துப்பாக்கி இயங்காததால் அவர் அங்கிருந்து தப்பிச் சென்றதாக கூறப்படுகிறது.

தாக்குதலுக்கு இலக்காகிய பெண், போதைப்பொருள் கடத்தல் குற்றச்சாட்டில் பலமுறை சிறையில் அடைக்கப்பட்ட ‘லியனகமகே அனோமா’ அல்லது ‘குடு நோனி’ என அடையாளம் காணப்பட்டுள்ளார்.

சம்பவம் தொடர்பில் அஹுங்கல்ல பொலிஸார் மேலதிக விசாரணைகளை முன்னெடுத்து வருகின்றனர்.