தவறவிடாதீர்கள்..!உடனே பதிவு செய்யுங்கள்

(செ.கவிஷனா)

நாட்டில் நிலவும் வறட்சி நிலையை எதிர்கொள்ளும் அதேவேளை, எதிர்வரும் வடகிழக்கு பருவமழையால் கிடைக்கும் அதிக மழைநீரைச் சேமித்து, விவசாயம், குடிநீர் மற்றும் வனவிலங்குகளின் தேவைகளைப் பூர்த்தி செய்வதற்கான நடவடிக்கைகள் முன்னெடுக்கப்பட்டு வருவதாக சுற்றாடல் அமைச்சர் தம்மிக்க பட்டபெந்தி தெரிவித்தார்.

மேலும், தீவிர வறட்சியைக் கருத்தில் கொண்டு செப்டம்பர் 14 முதல் ஒரு மாத காலத்திற்கு யால பூங்காவின் 1, 2 ஆம் வலயங்கள் மற்றும் குமண பூங்காவின் முகாம் தளங்கள் தற்காலிகமாக மூடப்பட்டு, மழைக்குப் பிறகு மீண்டும் திறக்க நடவடிக்கை எடுக்கப்படும்.

முதலாவதாக, காலநிலை மாற்றத் திட்டங்களுக்குத் தேவையான நிதி ஆதாரங்களைத் திரட்டுவதற்காக, 10 பிராந்திய நாடுகளைச் சேர்ந்த 12 பிரதிநிதிகள் பங்கேற்கும் பசுமை காலநிலை நிதியத்தின் 4 நாள் ஆசிய பிராந்திய மாநாடு கொழும்பில் நேற்று ஆரம்பிக்கப்பட்டது.

அந்நிகழ்வில் கலந்து கொண்டதன் பின்னர் ஊடகவியலாளர் எழுப்பிய கேள்விகளுக்கு பதிலளிக்கும் போதே அவர் மேற்கண்டவாறு குறிப்பிட்டார்.

நாட்டின் தற்போது குறைந்த காற்றழுத்த தாழ்வு நிலையால் தற்போது மழை பெய்தபோதிலும், எல்நினோதாக்கம் உலகளவில் 98 சதவீதம் வரை உறுதி செய்யப்பட்டுள்ளது. இருப்பினும், செப்டம்பர் 3 ஆவது வாரத்துக்கு பின்னர் வடகிழக்கு பருவமழை தீவிரமடைந்து வழக்கத்தை விட அதிக மழை பொழியும் என்றும், அது டிசம்பர் இறுதி வரை நீடிக்கும் என்றும் வளிமண்டலவியல் திணைக்களம் கணித்துள்ளது. அதிக மழைநீரைச் சேமித்து வைக்க ஆறுகள் மற்றும் குளங்களைப் புனரமைக்கும் பணிகள் ஏற்கனவே ஆரம்பிக்கப்பட்டுள்ளன. மேலும், வரவிருக்கும் பெருபோக பயிர்ச்செய்கைப் பருவத்தை வழக்கத்தை விட முன்னதாகவே தொடங்கத் திட்டமிடப்பட்டு, அதற்கான விவசாயக் கூட்டம் எதிர்வரும் 18 ஆம் திகதி அன்று கண்டியில் நடத்தப்படவுள்ளது.

அதன்தொடர்ச்சியாக, வறட்சியினால் 7 மாவட்டங்களில் உள்ள 36 பிரதேச செயலகப் பிரிவுகளில் குடிநீர் தட்டுப்பாடு ஏற்பட்டபோது, பாதிக்கப்பட்டு அடையாளம் காணப்பட்ட 186,000 குடும்பங்களுக்குச் சீரான நீர் விநியோகம் செய்யப்பட்டது,. இக்காலகட்டத்தில், ஒரு நபருக்கு நாளொன்றுக்கு வழங்கப்பட்ட குடிநீரின் அளவை 6 லிட்டரிலிருந்து 15 லிட்டராக அரசாங்கம் உயர்த்தியது. அதேபோல, வனவிலங்குகளைப் பாதுகாக்கும் வகையில் பவுசர்கள் மற்றும் சூரிய சக்தி மோட்டார்கள் மூலம் 113 குளங்களுக்கு நீர் நிரப்பப்பட்டு வனவிலங்குகளின் உயிரிழப்புகள் தடுக்கப்பட்டன. இருப்பினும், தீவிர வறட்சியைக் கருத்தில் கொண்டு செப்டம்பர் 14 முதல் ஒரு மாத காலத்திற்கு யால பூங்காவின் 1, 2 ஆம் வலயங்கள் மற்றும் குமண பூங்காவின் முகாம் தளங்கள் தற்காலிகமாக மூடப்பட்டு, மழைக்குப் பிறகு மீண்டும் திறக்க நடவடிக்கை எடுக்கப்படும்.

இறுதியாக, காலி முகத்திடலில் இருந்து பொல்கொட ஆற்றுமுகம் வரையிலான கடற்கரையில், கடலில் இருந்து 10 மீட்டர் தூரத்திற்குட்பட்ட பாதுகாப்பு வலயத்தில் அமைக்கப்பட்டுள்ள சட்டவிரோத நிர்மாணங்கள் அகற்றப்பட்டு வருகின்றன. கடற்கரைக்கான பாதைகளை மறித்துக் கட்டப்பட்டுள்ள கட்டடங்கள் மற்றும் பொதுமக்கள், சுற்றுலாப் பயணிகளின் சுதந்திரமான நடமாட்டத்திற்கு இடையூறாக உள்ள அமைப்புகள் சட்டமா அதிபரின் ஆலோசனையுடன் சட்டப்பூர்வமாக அகற்றப்படுகின்றன. இதனால் பாதிக்கப்பட்டவர்கள் நீதிமன்றத்தை நாட உரிமை உண்டு என்றும், நாட்டின் சுற்றுலாவை மேம்படுத்தவும் பொதுமக்களின் பயன்பாட்டை உறுதிப்படுத்தவுமே இந்நடவடிக்கை எடுக்கப்படுவதாகவும் அமைச்சர் தெளிவுபடுத்தியுள்ளார்.