தவறவிடாதீர்கள்..!உடனே பதிவு செய்யுங்கள்

இலங்கையின் ஈட்டி எறிதல் வீரர் ரூமேஷ் பத்திரகே, புடாபெஸ்டில் நடைபெற்ற World Athletics Ultimate Championship Budapest 26 போட்டியில் ஆடவர் ஈட்டி எறிதல் பிரிவில் சாம்பியன் பட்டத்தை வென்று வரலாற்றுச் சாதனை படைத்துள்ளார்.

ஞாயிற்றுக்கிழமை (13) நடைபெற்ற இறுதிப் போட்டியில் ரூமேஷ் பத்திரகே, மூன்றாவது சுற்றில் 87.11 மீற்றர் தூரம் எறிந்து முன்னிலை பெற்றார்.

இதனையடுத்து இறுதிச் சுற்றில் தனது சிறந்த ஆட்டத்தை வெளிப்படுத்திய அவர், 91.09 மீற்றர் தூரத்திற்கு ஈட்டியை எறிந்து முதலிடத்தை உறுதி செய்தார்.

இரண்டு முறை உலக சாம்பியன் பட்டம் வென்ற அண்டர்சன் பீட்டர்ஸ் 86.18 மீற்றர் தூரம் எறிந்து இரண்டாவது இடத்தைப் பெற்றார்.

முதல் சுற்றில் முன்னிலை பெற்ற ஐரோப்பிய சாம்பியன் ஜூலியன் வெபர், 85.89 மீற்றர் தூரத்துடன் மூன்றாவது இடத்தைப் பெற்றார்.

முன்னேற்றம் நிறைந்த சிறப்பான பருவத்தை நிறைவு செய்துள்ள ரூமேஷ் பத்திரகே, உலக தடகளத்தில் இலங்கைக்குப் பெருமை சேர்த்துள்ளார்.