தவறவிடாதீர்கள்..!உடனே பதிவு செய்யுங்கள்

ஐக்கிய தேசியக் கட்சியின் 80 ஆவது ஆண்டு நிறைவு விழா கடந்த வார இறுதியில் வெகுவிமர்சையாகக் கொண்டாடப்பட்டது.இம்முறை கொண்டாட்டங்களை வழக்கமான முறையில் நடத்தாமல், முற்றிலும் புதியதொரு அணுகுமுறையில் முன்னெடுக்க தலைவர் ரணில் விக்ரமசிங்க ஆரம்பத்திலிருந்தே திட்டமிட்டிருந்தார். கட்சி ஆண்டு விழாவில் நீண்ட உரைகளை நிகழ்த்தி நேரத்தை வீணடிக்க வேண்டியதில்லை. மக்கள் இப்போது நீண்ட நேரக் கூட்டங்களில் அமர்ந்திருக்க விரும்புவதும் இல்லை.எனவே, குறைந்த நேரத்தில் விழாவை முடித்துக் கொள்ள வேண்டும். ஊடகங்களுக்குத் தேவையான உரைகளை வேறு வழியில் வழங்கிவிட்டு, மத வழிபாடுகளுக்கு முதலிடம் கொடுத்து விழாவை நடத்துங்கள். அதேபோல, அனைத்துக் கட்சிகளின் ஒற்றுமையைக் காட்டுவதற்கும் இதுவொரு சிறந்த வாய்ப்பு. அதனால் அனைத்துக் கட்சிகளுக்கும் அழைப்பு விடுங்கள், என ஐ.தே.க.வின் சிரேஷ்ட தலைவர்களுக்கு ரணில் விக்ரமசிங்க தெளிவான அறிவுறுத்தல்களை வழங்கியிருந்தார்.