தவறவிடாதீர்கள்..!உடனே பதிவு செய்யுங்கள்

சர்வதேச அளவிலான அழகி போட்டிகளில் பங்கு பற்றி வெற்றி பெற்ற பொலிவுட் மொடலிங் மங்கை சுமன் ராவ் கதையின் நாயகியாக அறிமுகமாகும் 'தெய்வா' திரைப்படத்தின் டீசர் வெளியிடப்பட்டிருக்கிறது.

சாந்தகுமார் சந்திரமோகன் மற்றும் பாலசுப்ரமணியம் ஆகிய இருவரும் இணைந்து இயக்கியிருக்கும் 'தெய்வா' திரைப்படத்தில் சுமன் ராவ், பவன், நிகிலா சங்கர் ,விக்னேஷ் ஆதித்யா, மகாலட்சுமி சுதர்சனம், ரவி, ஸ்ரீஜா ரவி, கஜராஜ், கவிதா பாரதி, பால சரவணன், அருள்தாஸ் உள்ளிட்ட பலர் நடித்திருக்கிறார்கள்.

லெனின் மற்றும் வினோத் ரத்னசாமி ஒளிப்பதிவு செய்திருக்கும் இந்த திரைப்படத்திற்கு தீனா தயாளன் இசையமைத்திருக்கிறார்.

கதையின் நாயகிக்கு முக்கியத்துவம் கொடுத்து உருவாக்கப்பட்டுள்ள இந்தத் திரைப்படத்தை ஏ எஸ் பி ஏ ஸ்டுடியோஸ் மற்றும் கிரிப்டான் ஸ்டுடியோஸ் ஏசியா ஆகிய நிறுவனங்கள் இணைந்து தயாரித்திருக்கிறது.

அனைத்து பணிகளும் நிறைவடைந்து வெளியீட்டுக்கு தயாராகி வரும் இந்த திரைப்படத்தின் டீசர் வெளியிடப்பட்டிருக்கிறது.

இதில் இடம் பிடித்திருக்கும் காட்சிகள், கதையின் நாயகி உணவகம் ஒன்றை தொடங்கி பிரத்யேகமாக தயாரித்த உணவை மக்களுக்கு பரிமாற திட்டமிடுகிறார் . இதன் பின்னணியில் உள்ள சவால்களை மையப்படுத்தி காட்சிகள் இடம் பிடித்துள்ளதால் ரசிகர்களை கவர்ந்துள்ளது.