தவறவிடாதீர்கள்..!உடனே பதிவு செய்யுங்கள்

தமிழ் திரையுலகில் ஆயிரக்கணக்கான ரசிகர்களுக்கு அறிமுகமான நடிகர் ராகவ் ரங்கநாதன் கதையின் நாயகனாக நடித்திருக்கும் ' பீப்' திரைப்படத்தின் வெளியீட்டு திகதி அறிவிக்கப்பட்டுள்ளது.

இயக்குநர் எல் சண்முகசுந்தர் இயக்கத்தில் உருவாகியுள்ள 'பீப்' திரைப்படத்தில் ராகவ் ரங்கநாதன், ப்ரேனா கண்ணா, யாமினி, நித்திஷ், அருணாச்சலம், பிரியதர்ஷினி உள்ளிட்ட பலர் நடித்திருக்கிறார்கள்.

பிரதீப் பத்மகுமார் ஒளிப்பதிவு செய்திருக்கும் இந்த திரைப்படத்திற்கு பிரசாத் விகாரி இசையமைத்திருக்கிறார். கிரைம் திரில்லராக தயாராகி இருக்கும் இந்த திரைப்படத்தை எம் குவெஸ்ட் நிறுவனம் தயாரித்திருக்கிறது.

இப்படத்தின் டீசர் வெளியாகி பெரும் எதிர்பார்ப்பை ஏற்படுத்தி இருந்த நிலையில், இந்த திரைப்படம் எதிர்வரும் 18 ஆம் திகதி முதல் பட மாளிகையில் வெளியாகிறது என அறிவிக்கப்பட்டிருக்கிறது.