மத்தள விமான நிலையத்தில் மான் வேட்டை: விமானப்படை அதிகாரிகள் 5 பேர் உட்பட 7 பேர் கைது!

12 Sep, 2026 | 03:45 PM

அபி

மத்தள விமான நிலைய வளாகத்திற்குள் சுற்றித் திரிந்த மான்களைச் சுட்டுக் கொன்று, அதன் இறைச்சியில் ஒரு பகுதியை வெளிநபர்களுக்கு விற்பனை செய்யும் சட்டவிரோத விற்பனையில் ஈடுபட்டு வந்த விமானப்படை அதிகாரிகள் 5 பேர் மற்றும் இரு சந்தேகநபர்கள் மத்தள பொலிஸாரால் கைது செய்யப்பட்டுள்ளனர்.

விமான நிலைய வளாகத்திற்குள் வேட்டையாடப்பட்ட மான்களை வெளியே கொண்டு செல்ல முயன்றபோதே, பொலிஸார் மேற்கொண்ட விசேட அதிரடிச் சோதனையின் போது இவர்கள் சட்டத்தின் கைகளில் சிக்கியுள்ளனர்.

வேட்டைக்காகப் பயன்படுத்தப்பட்டதாகச் சந்தேகிக்கப்படும் துப்பாக்கிகள் மற்றும் இலங்கை விமானப்படைக்குச் சொந்தமான ஜீப் வண்டியொன்றும் பொலிஸாரால் பறிமுதல் செய்யப்பட்டுள்ளன.

இச் சம்பவத்துடன் தொடர்புடைய விமானப்படையைச் சேர்ந்த 5 அதிகாரிகள் மற்றும் இரு சந்தேகநபர்கள் கைது செய்யப்பட்டுள்ளனர்.

மேலும், இச் சம்பவம் தொடர்பாக மத்தள பொலிஸார் மேலதிக விசாரணைகளில் ஈடுபட்டு வருகின்றனர்