தவறவிடாதீர்கள்..!உடனே பதிவு செய்யுங்கள்

புதுமுக நடிகர் சச்சின் நாச்சியப்பன் நடிகை நம்ரிதா ஆகியோர் இணைந்து காதலர்களாக நடித்திருக்கும் 'சூரியன் மறைந்த மாலை' திரைப்படத்தினை அறிமுகப்படுத்தும் வகையில், படத்தின் டைட்டிலுக்கான பாடல் மற்றும் லிரிக்கல் விடியோ ஆகியவை வெளியிடப்பட்டிருக்கிறது.

அறிமுக இயக்குநர் ஈஸ்வர் கோபாலகிருஷ்ணன் இயக்கத்தில் உருவாகி வரும் 'சூரியன் மறைந்த மாலை' திரைப்படத்தில் சச்சின் நாச்சியப்பன் - நம்ரிதா ஆகியோர் முதன்மையான வேடங்களில் நடித்திருக்கிறார்கள்.

எஸ். பிரகதீஷ் பிரபு ஒளிப்பதிவு செய்திருக்கும் இந்த திரைப்படத்திற்கு ஏ கே ஆர் இசையமைத்திருக்கிறார். ரொமாண்டிக் என்டர்டெய்னராக தயாராகி இருக்கும் இந்த திரைப்படத்தை ஜி கே என்டர்டெய்ன்மென்ட் நிறுவனம் சார்பில் தயாரிப்பாளர் விஜி பாலச்சந்தர் தயாரித்திருக்கிறார். இந்த திரைப்படத்தை சத்யஜோதி பிலிம்ஸ் நிறுவனம் வழங்குகிறது.

இத்திரைப்படத்தினை அறிமுகப்படுத்தும் வகையில் 'மேகங்கள் தூவும் விழியில் தீராத காதல் சுகமோ சூரியன் மறைந்த மாலை..' எனத் தொடங்கும் பிரத்யேக பாடலும், பாடலுக்கான லிரிக்கல் விடியோவும் வெளியிடப்பட்டிருக்கிறது.

 இந்தப் பாடலை பாடலாசிரியர் ஈஸ்வர் கோபாலகிருஷ்ணன் எழுத, பின்னணி பாடகர் யோகன் மனு மற்றும் பின்னணி பாடகி வி யூ எம் ஐஸ்வர்யா ஆகியோர் இணைந்து பாடி இருக்கிறார்கள்.

இந்தப் பாடலில் அறிமுக நடிகர் சச்சின் நாச்சியப்பன் மற்றும் நடிகை நம்ரிதாவின் காதல் உணர்வுகளை வெளிப்படுத்தி இருப்பது.. ஓவியம் போல் ஒய்யாரமாக இருப்பதால்.. ரசிகர்கள் ரசித்து வருகிறார்கள்.