தவறவிடாதீர்கள்..!உடனே பதிவு செய்யுங்கள்

வத்தேகம பொலிஸ் பிரிவிற்குட்பட்ட சிரிமல்வத்தை பாலத்திற்கு அருகில் மோட்டார் வாகனமொன்று மோதியதில் பாதசாரி ஒருவர் பலியான சம்பவம் தொடர்பில் கைது செய்யப்பட்ட வைத்தியர் ஒருவர், எதிர்வரும் செப்டம்பர் 17 ஆம் திகதி வரை விளக்கமறியலில் வைக்கப்பட்டுள்ளார்.

தனது பிள்ளையைப் பாடசாலையிலிருந்து அழைத்துச் செல்வதற்காக மோட்டார் சைக்கிளில் வந்து வீதியோரத்தில் நின்றுகொண்டிருந்த நபர் மீதே இச் சந்தேகநபரான வைத்தியர் ஓட்டிச் சென்ற கார் மோதி விபத்துக்குள்ளாகியுள்ளது.

கேகாலையைச் சேர்ந்தவரும், கண்டி - நபான பகுதியில் தற்காலிகமாக வசித்து வந்த நபரே இச் சம்பவத்தில் உயிரிழந்துள்ளார்.

கவனக் குறைவாகவும் அலட்சியமாகவும் வாகனத்தைச் செலுத்தி பாதசாரி ஒருவரின் மரணத்திற்குத் மூலக்காரணமாக இருந்தமை மற்றும் மேலும் இரு வாகனங்களுக்குச் சேதம் விளைவித்தமை ஆகிய குற்றச்சாட்டுகள் சந்தேகநபரான வைத்தியர் மீது சுமத்தப்பட்டுள்ளன.

மேலும், இச் சம்பவம் தொடர்பில் வத்தேகம பொலிஸார் மேலதிக விசாரணைகளில் ஈடுபட்டு வருகின்றனர்.