தவறவிடாதீர்கள்..!உடனே பதிவு செய்யுங்கள்

(நமது நிருபர்)

2025 ஆம் ஆண்டு கல்விப் பொதுத் தராதர உயர்தரப் பரீட்சை பெறுபேறுகளின் அடிப்படையில், பல்கலைக்கழகங்களில் நிலவும் வெற்றிடங்களை நிரப்புவதற்கான இரண்டாம் சுற்றுத் தெரிவு நடவடிக்கையை பல்கலைக்கழக மானியங்கள் ஆணைக்குழு நிறைவு செய்துள்ளது.

இதற்கமைய, பட்டப்படிப்புகளுக்கு தெரிவு செய்யப்பட்ட மாணவர்களுக்கான பதிவு நடவடிக்கைகள் தற்போது முன்னெடுக்கப்பட்டு வருகின்றன.

தெரிவு செய்யப்பட்ட மாணவர்கள் எதிர்வரும் 17ஆம் திகதிக்குள் தமது பதிவை நிறைவு செய்யுமாறு பல்கலைக்கழக மானியங்கள் ஆணைக்குழு அறிவித்துள்ளது.

பல்கலைக்கழக அனுமதி மற்றும் பதிவு தொடர்பான மேலதிக தகவல்களையும், தெரிவு செய்யப்பட்ட மாணவர்களின் பெறுபேறுகளையும் பல்கலைக்கழக மானியங்கள் ஆணைக்குழுவின் உத்தியோகபூர்வ இணையத்தளத்தின் ஊடாகப் பெற்றுக்கொள்ள முடியும் எனவும் அறிவிக்கப்பட்டுள்ளது.