தவறவிடாதீர்கள்..!உடனே பதிவு செய்யுங்கள்

ஜனாதிபதி அநுர குமார திசாநாயக்க தலைமையில் நேற்று செவ்வாய்க்கிழமை (8) நடைபெற்ற 67ஆவது அரச இலக்கிய விருது விழாவில் "சாஹித்யரத்னா" உயரிய விருதினை தமிழ்மொழிப் பிரிவுக்காக கவிஞர் சோமசுந்தரம்பிள்ளை பத்மநாதனுக்கு ஜனாதிபதி வழங்கிவைத்தார். 

புத்தசாசன, சமய மற்றும் கலாசார அலுவல்கள் அமைச்சின் ஏற்பாட்டில், இலங்கை இலக்கியத் துறையைத் தமது உன்னதமான படைப்புக்களால் வளப்படுத்திய இலக்கியவாதிகளைக் கௌரவிக்கும் 67ஆவது அரச இலக்கிய விருது விழா, ஜனாதிபதி அநுர குமார திசாநாயக்க தலைமையில் நேற்று கொழும்பு பண்டாரநாயக்க சர்வதேச ஞாபகார்த்த மாநாட்டு மண்டபத்தில் நடைபெற்றது.

இந்நிகழ்வில் இலக்கியப் படைப்பாளிகளுக்கு வாழ்நாளில் ஒருமுறை மட்டுமே வழங்கப்படும் "சாஹித்யரத்ன" உயரிய விருதினை தமிழ்மொழிப் பிரிவுக்காக, கவிஞர் சோமசுந்தரம்பிள்ளை பத்மநாதன் பெற்றுக்கொண்டார். 

மேலும், "சாஹித்யரத்னா" உயரிய விருதுகளை சிங்கள மொழிப் பிரிவில் பராக்கிரம கொடித்துவக்கு, ஆங்கில மொழிப் பிரிவில்   பேராசிரியர் ஈ.ஏ. காமினி பொன்சேக்கா ஆகியோருக்கும் ஜனாதிபதி வழங்கிவைத்தார். 

இந்த விருதுகளை ஜனாதிபதி அநுர குமார திசாநாயக்க வழங்கிவைப்பதையும், புத்தசாசன, சமய மற்றும் கலாசார அலுவல்கள் அமைச்சர் கலாநிதி ஹினிதும சுனில் செனவி உடனிருப்பதையும் படங்களில் காணலாம்.

(படப்பிடிப்பு - ஜே.சுஜீவகுமார்)