தவறவிடாதீர்கள்..!உடனே பதிவு செய்யுங்கள்

இராகமை, பொடிவீகும்புர பகுதியில் மேற்கொள்ளப்பட்ட திடீர் சோதனையின் போது சட்டவிரோத மதுபானத்துடன் சந்தேகநபர் ஒருவரை வலான மத்திய ஊழல் தடுப்புப் பிரிவினர் கைது செய்துள்ளனர்.

நேற்று செவ்வாய்க்கிழமை  (08) காலை கிடைக்கப்பெற்ற இரகசியத் தகவலொன்றின் அடிப்படையில் வலான ஊழல் தடுப்புப் பிரிவின் அதிகாரிகள் குழுவினால் இச் சோதனை நடவடிக்கை முன்னெடுக்கப்பட்டுள்ளது.

101 லீற்றரும் 250 மில்லி லீற்றரும் (சுமார் 135 போத்தல்கள்) கொண்ட சட்டவிரோத மதுபானம் பொலிஸாரால் கைப்பற்றப்பட்டுள்ளது.

கொழும்பு 15 பகுதியைச் சேர்ந்த 51 வயதுடைய நபர் ஒருவரே கைது செய்யப்பட்டுள்ளார்.

மேலும், கைப்பற்றப்பட்ட மதுபானத்துடன் சந்தேகநபரை  நீதிமன்றத்தில் ஆஜர்படுத்துவதற்கான மேலதிக விசாரணைகளில் இராகமை பொலிஸார் ஈடுபட்டு வருகின்றனர்.