தவறவிடாதீர்கள்..!உடனே பதிவு செய்யுங்கள்

கன்னட திரையுலகின் முன்னணி நட்சத்திர நடிகரான சிவ ராஜ்குமாரும், தமிழ் சினிமாவின் ஜென் ஸீ தலைமுறை நடிகரான அபிஷன் ஜீவந்த் ஆகியோரும் முதன்முதலாக இணைந்து நடித்து வரும் திரைப்படத்திற்கு 'பிக்காசோ' என பெயரிடப்பட்டு, அதன் ஃபர்ஸ்ட் லுக் வெளியிடப்பட்டுள்ளது. இதனை 'காந்தாரா' படத்தின் மூலம் பான் இந்திய அளவில் ரசிகர்களின் கவனத்தை ஈர்த்த கன்னட திரையுலக நட்சத்திர நடிகரான ரிஷப் ஷெட்டி அவருடைய சமூக வலைதள பக்கத்தில் வெளியிட்டு, படக்குழுவினருக்கு வாழ்த்து தெரிவித்துள்ளார்.

இயக்குநர் கெளதம் சிவராமன் இயக்கத்தில் உருவாகி வரும் 'பிக்காசோ' திரைப்படத்தில் சிவ ராஜ்குமார், அபிஷன் ஜீவந்த், ஷிவானி நாகரம், யோக லட்சுமி, கானா வினோத் உள்ளிட்ட பலர் நடித்திருக்கிறார்கள். பிரகதீஷ் பிரபு ஒளிப்பதிவு செய்து வரும் இந்த திரைப்படத்திற்கு லியோன் ஜேம்ஸ் இசையமைத்திருக்கிறார். ஃபேமிலி என்டர்டெய்னராக தயாராகும் இந்த திரைப்படத்தை டிராமாம்பெனி நிறுவனம் சார்பில் தயாரிப்பாளர் ஏ. பாலமுருகன் தயாரிக்கிறார்.

இந்த திரைப்படத்தின் படப்பிடிப்பு நிறைவடைந்து தற்போது படப்பிடிப்புக்கு பிந்தைய தொழில்நுட்ப பணிகள் விறுவிறுப்பாக நடைபெற்று வருகிறது. இந்நிலையில் படத்தில் டைட்டில் மற்றும் ஃபர்ஸ்ட் லுக் வெளியிடப்பட்டுள்ளது. இதில் சிவ ராஜ்குமாரும், அபிஷன் ஜீவந்தும் வாயில் சரவெடி பட்டாசு ஒன்றினை வைத்துக்கொண்டு.. ஸ்டைலாக தோன்றுவது ரசிகர்களுக்கு படத்தை பற்றிய எதிர்பார்ப்பை எகிற செய்திருப்பதுடன், இந்த திரைப்படம் தீபாவளி திருநாளன்று வெளியாகும் என்ற அவதானத்தையும் வெளிப்படுத்தி இருக்கிறது.