தவறவிடாதீர்கள்..!உடனே பதிவு செய்யுங்கள்

தெஹிவளை பகுதியில் இன்று திங்கட்கிழமை (07)  இடம்பெற்ற தாக்குதல் சம்பவத்தில், பாதாள உலகச் கும்பலைச் சேர்ந்த 'கொஸ் மல்லி' என்பவரின் மைத்துனரான 'பூத களுவா' என அழைக்கப்படும் நபர் கூர்மையான ஆயுதங்களால் வெட்டிக்கொலை செய்யப்பட்டுள்ளதாகத் தெஹிவளைப் பொலிஸார் தெரிவித்துள்ளனர்.

தெஹிவளை, ஓபன் வீதியைச் சேர்ந்த 46 வயதுடைய நபரே உயிரிழந்துள்ளார்.

உயிரிழந்த நபர், பாதாள உலகக் கும்பல் தலைவனான 'கொஸ் மல்லி' என்பவருடன் பல ஆண்டுகள் டுபாயில் தங்கியிருந்துள்ளார். பக்கவாத நோயினால் பாதிக்கப்பட்டதையடுத்து, அவர் சில வாரங்களுக்கு முன்பே இலங்கை திரும்பியுள்ளார்.

முச்சக்கரவண்டியில் வந்த நான்கு பேரடங்கிய கும்பல் வீட்டின் கதவை உடைத்து உள்ளே நுழைந்து, கட்டிலில் தூங்கிக் கொண்டிருந்த நபர் மீது கூர்மையான ஆயுதங்களால் தாக்குதல் நடத்திவிட்டுத் தப்பிச் சென்றுள்ளது.

பலத்த காயமடைந்த அவர் களுபோவில வைத்தியசாலையில் அனுமதிக்கப்பட்ட பின்னர் சிகிச்சை பலனின்றி உயிரிழந்துள்ளார்.

இக் கொலையானது மற்றொரு பாதாள உலகக் குழு உறுப்பினரான "படோவிட்ட அசங்க" என்பவரின் தரப்பினரால் நடத்தப்பட்டிருக்கலாம் எனப் பொலிஸார் சந்தேகிக்கின்றனர்.

சந்தேகநபர்களைக் கைது செய்வதற்காகப் பல பொலிஸ் குழுக்கள் நியமிக்கப்பட்டுள்ளடன், சம்பவம் தொடர்பில் மேலதிக விசாரணைகளில் ஈடுபட்டு வருகின்றன.