தவறவிடாதீர்கள்..!உடனே பதிவு செய்யுங்கள்

மறைந்த கேப்டன் விஜயகாந்த்தின் இளைய வாரிசான நடிகர் சண்முக பாண்டியன் கதையின் நாயகனாக நடிக்கும் பெயரிடப்படாத திரைப்படத்தின் தொடக்க விழா சென்னையில் பாரம்பரிய முறைப்படி சிறப்பாக நடைபெற்றது.

இயக்குநர் மணி சேயோன் இயக்கத்தின் உருவாகும் இந்த திரைப்படத்தில் சண்முக பாண்டியன் கதையின் நாயகனாக நடிக்கிறார். பிரசன்னா எஸ். குமார் ஒளிப்பதிவு செய்யும் இந்த திரைப்படத்திற்கு மனு ரவிச்சந்திரன் இசையமைக்கிறார். கொமர்சல் என்டர்டெய்னராக தயாராகும் இந்த திரைப்படத்தை கேப்டன் சினி கிரியேஷன்ஸ் நிறுவனம் சார்பில் தயாரிப்பாளர் எல் கே சதீஷ் தயாரிக்கிறார்.

கேப்டன் சினி கிரியேசன்ஸ் நிறுவனத்தின் பத்தாவது திரைப்படமாக தயாராகும் இத்திரைப்படத்தின் தொடக்க விழாவில் பிரேமலதா விஜயகாந்த் கமெராவை ஆன் செய்ய, பூர்ண ஜோதி சுதீஷ் கிளாப் அடித்து பாரம்பரியமான படப்பிடிப்பை தொடங்கி வைத்தனர்.

மேலும் இந்நிகழ்வில் டொக்டர் ஜானு ஸ்ரீ சுதீஷ், நடிகர்கள் இளவரசு, தம்பி ராமையா, 'பட்டிமன்றம்' ராஜா, நடிகைகள் 'மைனா' நந்தினி, இந்திரஜா ரோபோ சங்கர், பிரகதி, காயத்ரி, விநியோகஸ்தர் படூர் ரமேஷ், இயக்குநர் திரு, ஒளிப்பதிவாளர் அர்வி உள்ளிட்ட பலர் சிறப்பு அதிதிகளாக பங்கு பற்றி படக்குழுவினருக்கு வாழ்த்து தெரிவித்தனர்.

இதனிடையே இயக்குநர் திரு இயக்கத்தில் சண்முக பாண்டியன் நடித்து வரும் 'வாண வேடிக்கை' படத்தின் படப்பிடிப்புக்கு பிந்தைய தொழில்நுட்ப பணிகள் விறுவிறுப்பாக நடைபெற்று வருகிறது என்பதும் சண்முக பாண்டியன் நடிப்பில் தயாராகும் இப்படத்தின் படப்பிடிப்பு தொடங்கப்பட்டிருக்கிறது என்பதும் குறிப்பிடத்தக்கது.