தவறவிடாதீர்கள்..!உடனே பதிவு செய்யுங்கள்

தமிழ் திரையுலகின் முன்னணி நட்சத்திர நடிகைகளான பிரியங்கா மோகன்-  கயாடு லோஹர் ஆகியோர் முதன்மையான வேடங்களில் நடிக்கும் 'மஞ்சணத்தி' படத்தின் படப்பிடிப்பு தொடங்கி இருக்கிறது. இதனை 'இசைஞானி' இளையராஜா பாரம்பரிய முறைப்படி 'கிளாப்' அடித்து, தொடங்கி வைத்தார்.

இயக்குநர் மாரி செல்வராஜ் இயக்கத்தில் உருவாகும் 'மஞ்சணத்தி' திரைப்படத்தில் பிரியங்கா மோகன், கயாடு லோஹர், பூர்ணிமா ரவி, கதிர், விது உள்ளிட்ட பலர் நடிக்கிறார்கள். கே. எழில் அரசு ஒளிப்பதிவு செய்யும் இந்த திரைப்படத்திற்கு 'இசை ஞானி' இளையராஜா இசையமைக்கிறார். 

மண் மணம் கமழும் எளிய மக்களின் வாழ்வியலை உணர்வுபூர்வமாக விவரிக்கும் இந்த திரைப்படத்தை நவ்வி ஸ்டுடியோஸ், ஸ்கந்தா பிக்சர்ஸ்,  பார்ச்சூன் ஆகிய நிறுவனங்கள் சார்பில் தயாரிப்பாளர்கள் திவ்யா மாரி செல்வராஜ், மாரி செல்வராஜ், சுஷாந்த் பிரசாத் ஆகியோர் இணைந்து தயாரிக்கிறார்கள். 

இதனை திவ்யா மாரி செல்வராஜ் வழங்குகிறார். இப்படத்தின் முதற்கட்ட படப்பிடிப்பு இன்று தமிழகத்தில் தொடங்கியுள்ளது.

இதனை 'இசைஞானி' இளையராஜா கிளாப் அடித்து தொடங்கி வைத்தார். மாரி செல்வராஜ், இசைஞானி இளையராஜா, பிரியங்கா மோகன், கயாடு லோஹர் ஆகியோரின் கூட்டணியில் உருவாவதால் இதற்கான எதிர்பார்ப்பு எழுந்திருக்கிறது.