தவறவிடாதீர்கள்..!உடனே பதிவு செய்யுங்கள்

(நெவில் அன்தனி)

இலங்கை கால்பந்தாட்ட சம்மேளனத்தின் ஏற்பாட்டில் நடைபெற்றுவரும் சுப்பர் லீக்  சம்பியன்ஷிப்பின் சுப்பர் சிக்ஸ் சுற்றுக்கான தகுதியைப் பெற சீ ஹோக்ஸ் அணிக்கு இன்னும் ஒரே ஒரு வெற்றி தேவைப்படுகிறது.

இந் நிலையில் கொழும்பு சுகததாச விளையாட்டரங்கில் இன்று பிற்பகல் நடைபெறவுள்ள மிக முக்கிய சுப்பர் லீக் போட்டியில் வென்னப்புவை நியூ யங்ஸ் அணியை சீ ஹோக்ஸ் அணி எதிர்த்தாடவுள்ளது.

அப்கன்ட்றி லயன்ஸ், றினோன், கலம்போ எவ்சி., ரெட்ஸ் ஸ்டார் ஆகிய அணிகள் ஏற்கனவே சுப்பர் சிக்ஸ் சுற்றில் விளையாட தகுதிபெற்றுள்ள நிலையில் சீ ஹோக்ஸ் அணி இன்று வெற்றிபெற்றால் ஐந்தாவது அணியாக இந்தப் பட்டியலில் இணைந்துகொள்ளும்.

சீ ஹோக்ஸ் அணி 3 வெற்றிகள், 3 வெற்றி தோல்வியற்ற முடிவுகள், ஒரு தோல்வி என்ற பெறுகளுடன் 12 புள்ளிகளைப் பெற்று தற்போது 5ஆவது இடத்தில் இருக்கிறது.

நியூ யங்ஸ் அணி ஒரு வெற்றி, 2 வெற்றிதோல்வியற்ற முடிவுகள், 4 தோல்விகள் என்ற பெறுபேறுகளுடன் 5  புள்ளிகளைப்   பெற்று 8ஆவது இடத்தில் இருக்கிறது.

இந்த இரண்டு அணிகளில் சீ ஹோக்ஸ் அணி பலம் வாய்ந்ததாக இருப்பதால் போட்டி முடிவு அவ்வணிக்கு சாதகமாக அமையும் என  எதிர்பார்க்கப்படுகிறது.