தவறவிடாதீர்கள்..!உடனே பதிவு செய்யுங்கள்

ஐக்கிய நாடுகள் பொதுச்சபையில் 164 நாடுகளின் ஆதரவுடன் நிறைவேற்றப்பட்ட விசேட தீர்மானத்திற்கு அமைவாக, இதுவரை காலமும் பயன்படுத்தப்பட்டு வந்த உலக வரைபடம் மாற்றமடையவுள்ளது.

ஆபிரிக்க நாடுகளின் பிரதிநிதிகளால் கொண்டுவரப்பட்ட இத்தீர்மானத்துக்கு 164 நாடுகள் ஆதரவாக வாக்களித்துள்ள அதேவேளை,  6  நாடுகள் வாக்கெடுப்பை புறக்கனித்த நிலையில் அமெரிக்கா இதற்கு எதிராக வாக்களித்துள்ளது.

1569 ஆம் ஆண்டு அறிமுகப்படுத்தப்பட்ட ‘மெர்கேட்டர் வரைபடம்’ முறையின் கீழ், நாடுகளின் நிலப்பரப்பு தவறான அளவுகளில் காட்டப்பட்டு வந்தமையே இந்நடவடிக்கைக்கு முக்கிய காரணமாகும். பழைய வரைபடத்தில் கிரீன்லாந்தின் நிலப்பரப்பும் ஆபிரிக்கக் கண்டத்தின் நிலப்பரப்பும் சம அளவிலேயே காட்சிப்படுத்தப்பட்டிருந்தன. ஆனால், உண்மையான நிலப்பரப்பளவின் அடிப்படையில் ஆபிரிக்கக் கண்டமானது கிரீன்லாந்தை விட 14 மடங்கு பெரியதாகும்.  பூமத்திய ரேகையிலிருந்து தொலைவில் அமைந்துள்ள நாடுகள், இந்தத் தவறான வரைபட முறையினால் பிழையான அளவுகளிலேயே காட்டப்படுகின்றன.

பழைய வரைபடத்தில் மேலைத்தேய நாடுகளின் நிலப்பரப்பு மிகப்பெரியதாகக் காட்டப்பட்டதால், அது தவறானதாக இருந்தபோதிலும் அந்த நாடுகளுக்கு அதனை மாற்ற வேண்டிய தேவை ஏற்படவில்லை என விமர்சகர்கள் சுட்டிக்காட்டுகின்றனர். இந்நிலையில், நாடுகளின் நிலப்பரப்பைச் சரியாகக் காட்டும் ‘சம பூமி வரைபடம்’ முறைமை முதன்முதலில் 2018 ஆம் ஆண்டு அறிமுகப்படுத்தப்பட்டது. தவறான மெர்கேட்டர் வரைபடத்தைப் பயன்படுத்துவதைக் கைவிட்டு, புதிய வரைபட முறைமையைப் பயன்படுத்தவுள்ளதாக பிரான்ஸ் வெளியுறவு அமைச்சர் அறிவித்துள்ளார்.

 கூகுள் மேப்ஸ் உள்ளிட்ட ஏனைய டிஜிட்டல் வரைபடச் சேவை வழங்கும் நிறுவனங்களையும் இந்தப் புதிய ‘சம பூமி வரைபட’ முறையைப் பயன்படுத்துமாறு ஐக்கிய நாடுகளின் தீர்மானத்தில் கோரப்பட்டுள்ளது. அதேவேளை, இந்த வரைபட மாற்றத்தினால் விமானப் போக்குவரத்துத் துறையில்  குறிப்பிடத்தக்க பாதிப்புகள் எதுவும் ஏற்படாது என எதிர்பார்க்கப்பட்டுள்ளது. எனினும், விமானச் சேவை நிறுவனங்கள் தமது வாடிக்கையாளர்களுக்கு வழங்கும் சேவை நெட்வொர்க் வரைபடங்களுக்குப் புதிய வரைபடத்தையே இனிப் பயன்படுத்தவுள்ளதாக தெரிவித்துள்ளன.