தவறவிடாதீர்கள்..!உடனே பதிவு செய்யுங்கள்

நேபாளத்தின் நுவாகோட் மாவட்டத்தில் ஏற்பட்ட வெள்ளத்தில் வீடு இடிந்து இடிபாடுகளுக்குள் சிக்கியிருந்த  64 வயதுடைய வயோதிபப் பெண் ஒருவர் 10 நாட்களுக்குப் பின்னர் உயிருடன் மீட்கப்பட்டுள்ளதாக சர்வதேச ஊடகங்கள் செய்தி வெளியிட்டுள்ளன.

நுவாகோட் மாவட்டத்தில் பகுதியளவில் மண்ணில் புதைந்திருந்த அவரது வீட்டின் நான்காவது மாடியில் அவர் உயிருடன் இருப்பதை நேபாள மீட்புப் படையினர் நேற்று சனிக்கிழமை (05) கண்டுபிடித்துள்ளனர்.

இதனை அடுத்து, மீட்புப் பணியாளர்கள் அவரை பாதுகாப்பாக மீட்டு,  சிகிச்சைக்காக ஹெலிக்கொப்டர் மூலம் திரிசூலியில் உள்ள நேபாள இராணுவத்தின் மைதிலி முகாமிற்கு அழைத்துச் சென்றதாகவும், அங்கு அவருக்கு சிகிச்சை அளிக்கப்பட்டு வருவதாக சர்வதேச ஊடகங்கள் குறிப்பிட்டுள்ளன. 

இதேவேளை, பேரழிவு ஏற்பட்டு பல நாட்கள் கடந்துள்ள நிலையிலும் இடிபாடுகளுக்குள் இருந்து மூதாட்டி ஒருவர் உயிருடன் மீட்கப்பட்டுள்ள சம்பவம், மீட்புப் பணியாளர்கள் மற்றும் பொதுமக்கள் மத்தியில் நம்பிக்கையை ஏற்படுத்தியுள்ளது.