தவறவிடாதீர்கள்..!உடனே பதிவு செய்யுங்கள்

வியட்நாமில் நஹா ட்ராங் நகரில் நடைபெற்ற 73ஆவது உலக அழகு ராணி இறுதிப்போட்டியில், டொமினிக்கன் குடியரசைச் சேர்ந்த ஜோஹெய்ரி மோலா 2026 ஆம் ஆண்டின் உலக அழகு ராணியாகத் தெரிவு செய்யப்பட்டுள்ளார்.

இப்போட்டியில் 111 போட்டியாளர்கள் பங்கேற்றநிலையில், அவர்களை பின்னுக்குத் தள்ளி 2026 ஆம் ஆண்டுக்கான உலக அழகு ராணி பட்டத்தை டொமினிக்கன் குடியரசைச் சேர்ந்த 24 வயதான ஜோஹெய்ரி மோலா டொமிங்கஸ் வென்றுள்ளார்.

கடந்த, 2025ம் ஆண்டுக்கான 72வது உலக அழகு ராணிப் போட்டியில் வென்ற  தாய்லாந்து நாட்டைச் சேர்ந்த ஒபல் சுஷாதா சுவாங்ஸ்ரீ வெற்றியாளரான ஜோஹெய்ரி மோலாவிற்கு மகுடம் சூடியுள்ளார்.

டொமினிக்கன் குடியரசு 44 ஆண்டுகளுக்கு பின்னர் மீண்டும் உலக அழகு ராணி  பட்டத்தை கைப்பற்றியுள்ளமை குறிப்பிடத்தக்கதாகும்.

இதற்கு முன்பு 1982-ம் ஆண்டு மரியாசெலா அல்வரெஸ் மூலம் உலக அழகி பட்டத்தை வென்றிருந்தது. இதன் மூலம் ஜோஹெய்ரி மோலா, டொமினிக்கன் குடியரசின் 2-வது உலக அழகியாகி  மகுடம் சூடி டொமினிக்கன் குடியரசினை பெருமைப்படுத்தியுள்ளார்

73ஆவது உலக அழகி இறுதிப்போட்டியில் இரண்டாம் இடத்தை  ஸ்பெயினின் எலிசபெத்தும், மூன்றாம் இடத்தை மலேசியாவின் டானுசியா செட்டியும் தெரிவாகி மகுடம் சூடியுள்ளனர்.

மேலும் இறுதிப்போட்டியில் விசேட விருந்தினர்கள் மற்றும் பொலிவூட் நட்சத்திரங்கள் கலந்து கொண்டு சிறப்பித்துள்ளனர்.

ஜோஹெய்ரி மோலா 2026 ஆம் ஆண்டின் உலக அழகு ராணியாக  முடிசூடியமைக்கு  பல்வேறு தரப்பினர் வாழ்த்துக்களை தெரிவித்து வருகின்றனர்.