தவறவிடாதீர்கள்..!உடனே பதிவு செய்யுங்கள்

கிழக்கு மாகாண கிராமிய அபிவிருத்தித் திணைக்களம், கலாசார அலுவல்கள் திணைக்களம் மற்றும் கிழக்கு மாகாண சுற்றுலாப் பணியகம்  இணைந்து ஏற்பாடு செய்த “Hands and Heritage East – 2026” எனும் கிழக்கு மாகாண வர்த்தகச் சந்தை மற்றும் கண்காட்சி  கிழக்கு மாகாண முதலமைச்சர் அலுவலகத்தின் ஏற்பாட்டில் மட்டக்களப்பு வெபர் மைதானத்தில் நான்கு நாட்கள் நடைபெற்றது.

கிழக்கு மாகாண ஆளுநர் பேராசிரியர் ஜயந்த லால் ரத்னசேகர பிரதம அதிதியாகக் கலந்து கொண்டு வர்த்தகச் சந்தை மற்றும் கண்காட்சியை உத்தியோகபூர்வமாகத் திறந்து வைத்தார்.

அதிதியாக பாராளுமன்ற உறுப்பினர் கந்தசாமி பிரபு உள்ளிட்ட பல முக்கியஸ்தர்கள் கலந்து கொண்டு நிகழ்வை சிறப்பித்தனர்.

கிழக்கு மாகாணத்தின் கிராமிய கைவினைப் பொருட்கள், பாரம்பரியக் கலைகள், கலாசாரப் பாரம்பரியங்கள், உள்ளூர் உற்பத்திகள் மற்றும் தொழில் முயற்சிகளை மக்களிடம் அறிமுகப்படுத்தி அவற்றை ஊக்குவிக்கும் நோக்கில் இக்கண்காட்சி ஏற்பாடு செய்யப்பட்டுள்ளது.

கிழக்கு மாகாணத்தின் பல்வேறு பகுதிகளைச் சேர்ந்த உற்பத்தியாளர்கள் மற்றும் தொழில் முயற்சியாளர்கள் பங்கேற்கும் இந்நிகழ்வில் உள்ளூர் உற்பத்திகளுக்கான சந்தை வாய்ப்புகளை விரிவுபடுத்துவதுடன், கிராமிய தொழில் முயற்சியாளர்களுக்கு புதிய சந்தை வாய்ப்புகளை உருவாக்கும் முக்கிய களமாக அமையவுள்ளது.