தவறவிடாதீர்கள்..!உடனே பதிவு செய்யுங்கள்

வென்னப்புவ - நைனாமடம் பகுதியில் சட்டவிரோத மதுபானத் தொகையுடன் இரு சந்தேகநபர்களைப் பொலிஸார் வெள்ளிக்கிழமை (04) கைது செய்துள்ளனர்.

இலங்கை கடற்படை, கடலோரப் பாதுகாப்புத் திணைக்களம் மற்றும் வென்னப்புவ பொலிஸார் இணைந்து முன்னெடுத்த விசேட தேடுதல் நடவடிக்கையின் போதே இக் கைது நடவடிக்கை இடம்பெற்றுள்ளது.

சட்டவிரோத மதுபான உற்பத்திக்குப் பயன்படுத்தப்படும் 300 லீற்றர் 'கோடா' அடங்கிய 3 பீப்பாய்கள், 5 வெற்றுப் பீப்பாய்கள், 80 லீற்றர் சட்டவிரோத மதுபானம் கொண்ட 02 கேன்கள் மற்றும் 02 செப்புச் சுருள்கள் என்பன கைப்பற்றப்பட்டுள்ளன.

கைது செய்யப்பட்ட இருவரும் வாய்க்கால் பிரதேசத்தைச் சேர்ந்த 38 வயதுடையவர்கள் என அடையாளம் காணப்பட்டுள்ளனர்.

சந்தேகநபர்கள், சட்டவிரோத மதுபானத் தொகை மற்றும் உபகரணங்கள் மேலதிக சட்ட நடவடிக்கைகளுக்காக வென்னப்புவ பொலிஸ் நிலையத்தில் ஒப்படைக்கப்பட்டு, பொலிஸாரால் மேலதிக விசாரணைகளில் ஈடுபட்டு வருகின்றன.