தவறவிடாதீர்கள்..!உடனே பதிவு செய்யுங்கள்

இலங்கை எதிர்கொண்டுள்ள நெருக்கடியான நேரத்தில் வரி உயர்வு சுமையாகத் தெரிந்தாலும், நாட்டின் நீண்டகால நிதி ஸ்திரத்தன்மைக்கும், உள்நாட்டு மென்பொருள் நிறுவனங்களின் வளர்ச்சிக்கும் டிஜிட்டல் சேவை மீதான 18 சதவீத VAT விதிப்பு ஒரு தவிர்க்க முடியாத பொருளாதாரச் சீர்திருத்தமாக கருதப்படுகிறது. இந்தியா (Equalisation Levy / OIDAR VAT), கென்யா, நைஜீரியா மற்றும் பல ஐரோப்பிய நாடுகள் ஏற்கனவே வெளிநாட்டு டிஜிட்டல் நிறுவனங்களுக்கு வெற்றிகரமாக VAT விதித்துள்ளன. எனவே இலங்கையும் இதனை பின்பற்றுவது உலகளாவிய வரித் தரநிலைகளுக்குட்பட்டதாகும் என தெரிவிக்கப்படுகிறது. சட்டப்படி வரியைச் சேகரித்து அரசாங்கத்திடம் கட்டுவது வெளிநாட்டு நிறுவனத்தின் (எ.கா: Netflix, Google) பொறுப்பாக இருந்தாலும், அந்த வரிப் பணத்தை அவர்கள் தங்களுடைய சொந்த இலாபத்திலிருந்து கொடுக்க மாட்டார்கள். மாறாக, மக்கள் வாங்கும் சேவைக் கட்டணத்துடன் 18% வரியைக் கூட்டி மக்களிடமிருந்தே வசூலிப்பார்கள். எனவே இந்த வரி விதிப்பானது நேரடியாக மக்களை தாக்கும் என்பதில் சந்தேகமில்லை.