தவறவிடாதீர்கள்..!உடனே பதிவு செய்யுங்கள்

கன்னட நடிகர்களான சித்து மூலி மணி - ஸ்ரீ வைஷ்ணவ்- சந்தோஷ்  - கிருஷ்ணா விஜய் சந்திரன்-  ஆகிய நான்கு புதுமுக நடிகர்கள் கதையின் நாயகர்களாக தமிழில் அறிமுகமாகும் 'கோல்ட் கால்'  திரைப்படத்தின் வெளியீட்டு திகதி அதிகாரப்பூர்வமாக பிரத்யேக போஸ்டருடன் அறிவிக்கப்பட்டுள்ளது.

அறிமுக இயக்குநர் தம்பிதுரை இயக்கத்தில் உருவாகியுள்ள 'கோல்ட் கால்' திரைப்படத்தில் சித்து மூலி மணி, ஸ்ரீ வைஷ்ணவ் ,சந்தோஷ், கிருஷ்ணா விஜய் சந்திரன், வி. ஸ்ரீகாந்த், பாலாஜி ராஜசேகர், அமிதா ரங்கநாதா, நிஷா ஹெக்டே, கீர்த்தனா உள்ளிட்ட பலர் நடித்திருக்கிறார்கள். ஜி. என். சரவணன் ஒளிப்பதிவு செய்திருக்கும் இந்த திரைப்படத்திற்கு பிரணவ் கிரிதரன் இசையமைத்திருக்கிறார். விற்பனை பிரதிநிதிகளின் நாளாந்த வாழ்வியலை நகச்சுவையுடன் விவரிக்கும் இந்த திரைப்படத்தை வாக் த்ரோ என்டர்டெயின்மென்ட் நிறுவனம் சார்பில் தயாரிப்பாளர் கேசவ மூர்த்தி தயாரித்திருக்கிறார்.

இந்த திரைப்படத்தின் டீசர் வெளியாகி இணையவாசிகளிடம் பெரும் வரவேற்பை பெற்ற நிலையில்.. இத்திரைப்படம் எதிர்வரும் 18 ஆம் திகதி முதல் உலகம் முழுவதும் படமாளிகையில் வெளியாகிறது. இதற்காக படக்குழு வெளியிட்டிருக்கும் போஸ்டர் ...ரசிகர்களின் கவனத்தை கவர்ந்திருக்கிறது.