தவறவிடாதீர்கள்..!உடனே பதிவு செய்யுங்கள்

எம்மில் சிலர் தனியார் நிறுவனத்தில் பணியாற்றினாலும் அல்லது அரசாங்கத்தில் பணியாற்றினாலும்... மாதாந்திர ஊதியத்தை முதல் திகதி இருந்து பத்து திகதிக்குள் முழுவதுமாக செலவழித்துவிட்டு, அதன் பிறகு மாதம் முழுவதும் கடன் வாங்குவர். இது ஒவ்வொரு மாதமும் தவறாமல் நடைபெறும் விடயம்.

இதில் சிலர் மட்டும்தான் தாங்கள் பெறும் மாத ஊதியத்தை மாதம் முழுவதும் கையில் வைத்திருப்பர். இதற்கு அவர்கள் தொடர்ந்து பாவிக்கும் பிரத்யேக சூட்சமங்கள் தான் காரணம் என எம்முடைய ஆன்மீக முன்னோர்கள் விவரித்துள்ளனர்.

மாத சம்பளம் என்பது உங்களுக்கு ரூபாயாக கையில் வழங்கப்பட்டாலும்... அல்லது உங்களுடைய வங்கி கணக்கில் வரவு வைக்கப்பட்டாலும்... அதிலிருந்து உங்களுடைய முதல் செலவு உப்பு- பால் மற்றும் வளரக்கூடிய செடி ஆகியவற்றினை வாங்கிட வேண்டும். இத்தகைய பொருட்கள் உங்களுடைய சேமிப்பை வலிமைப்படுத்துவதுடன், அவசியமற்ற செலவுகளை தவிர்த்து உங்களுடைய மாத சம்பளத்தை மாதம் முழுவதும் கையில் வைத்திருக்கும் நிலையை உண்டாக்கும்.

உடனே எம்மில் சிலர் உப்பு- பால் மட்டும் வாங்கலாமா? அல்லது மாதந்தோறும் செடியை வாங்க வேண்டுமா? எனக் கேட்பர். மாதந்தோறும் செடியை வாங்க வேண்டியதில்லை. ஆனால் அந்த செடிக்கு நாளாந்தம் நீரூற்றி பராமரித்து வந்தால் போதுமானது. மாதந்தோறும் அதற்கென நேரத்தை ஒதுக்கி, அதனை சீர்படுத்தி, மேலும் வளர்வதற்காக தூண்டினால் போதுமானது.

உப்பு - பால் மற்றும் செடி ஆகியவை பிரபஞ்சத்தின் மூலம் உங்களின் எண்ணங்களை ஆக்கிரமித்து தேவையானதற்கு மட்டுமே செலவு செய்ய தூண்டும். இதன் மூலம் அவசியமற்ற செலவுகளை நீக்கி , சேமிப்பை தொடங்கச் செய்யும். மாத தவணைகளுக்காக செலுத்தும் தொகையும், நிலையும் குறையும்.

தொகுப்பு: சுபயோக தாசன்.