தவறவிடாதீர்கள்..!உடனே பதிவு செய்யுங்கள்

புத்தசாசன, சமய மற்றும் கலாசார அலுவல்கள் அமைச்சு, கலாசார அலுவல்கள் திணைக்களம், இலங்கை கலைக் கழகம் மற்றும் அரச இலக்கியக் குழு ஒன்றிணைந்து ஏற்பாடு செய்யும் அரச இலக்கிய விருது வழஙகல் விழா -2026 இம்முறையும் வெகு விமர்சையாக நடைபெறவுள்ளது.

இவ் விருது வழங்கல் நிகழ்வு 2026 செப்டெம்பர் மாதம் 08 ஆம் திகதி செவ்வாய்க்கிழமை பி.ப. 3.00 மணிக்கு கொழும்பு பண்டாரநாயக்க சர்வதேச மாநாட்டு மண்டபத்தில் புத்தசாசன, சமய மற்றும் கலாசார அலுவல்கள் அமைச்சர் கலாநிதி ஹினிதும சுனில் செனவி அழைப்பின் பிரகாரம் இலங்கை ஜனநாயக சோசலிசக் குடியரசின் அதிமேதகு ஜனாதிபதி அனுர குமார திசாநாயக்க தலைமையில் மற்றும் இலங்கை இலக்கியத்துறைக்கு தமது உன்னத படைப்புகளால் ஊட்டமளித்த எழுத்தாளர்களின் பங்குபற்றலுடன் நடைபெறவுள்ளது.

இதன்போது சிங்கள, தமிழ், ஆங்கில மொழிகளில் 2025 ஆம் முதல் பதிப்பாக வெளிவந்த சுய நாவல், சுய சிறுகதை, சுய கவிதைப் படைப்பு, சுய இளையோர் இலக்கிய படைப்பு, சுய பாடலாக்கத் தொகுப்பு, சுய நாடகம், சுய அறிவியல் புனைகதை, சிறுவர் இலக்கிய படைப்பு, சுய புலமைத்துவ மற்றும் ஆய்வுசார் படைப்பு, நானாவித விடய நூல்கள், மொழிபெயர்ப்பு நாவல், மொழிபெயர்ப்பு சிறுகதைத் தொகுப்பு,  மொழிபெயர்ப்பு  கவிதை படைப்பு, மொழிபெயர்ப்பு நாடகம், மொழிபெயர்ப்பு புலமைத்துவ மற்றும் ஆய்வுசார் படைப்பு ஆகிய பிரிவுகளுக்கான சிறந்த படைப்புக்கான விருதுகள் வழங்கப்படவுள்ளது.

இதுதவிர இலங்கையின் தமிழ் இலக்கியத்துறைக்கு ஆற்றிய உன்னத சேவை நிமித்தம் 2026 ஆம் ஆண்டுக்கான சாகித்தியரத்னா எனும் தேசத்தின் உயர் அரச வாழ்நாள் சாதனை விருது தமிழ் மொழியில் பன்முக ஆளுமை எழுத்தாளர், கவிஞர் சோமசுந்தரம்பிள்ளை பத்மநாதன் (சோ.ப) அவர்களுக்கும் சிங்கள மொழியில் கவிஞர் பராக்ரம கொடிதுவக்கு அவர்களுக்கும் ஆங்கில மொழியில் பேராசிரியர் ஈ. ஏ. காமினி பொன்சேகா ஆகியோருக்கு வழங்கப்பட்டுள்ளது.